Ysgol Babanod Morfa Nefyn

Diwrnod gwych yn Crasu Coed

Diolch am y croeso cynnes ac i Cian Parry Owen am ddod atom i ddangos sut i arlunio ei ‘ddynion Priciau’ enwog! Diwrnod i’r brenin

Cliciwch yma i weld mwy o'r Diwrnod yn Crasu Coed

Garddio

Pawb wedi bod yn brysur yn garddio

Cliciwch yma i weld mwy o bawb yn garddio

P'nawn difyr

P’nawn difyr iawn yng nghwmni PC Rhiannon a Tarian y ddraig.

Dydd Gŵyl Ddewi

Gwisgodd y plant ddillad Cymreig i ddod i’r ysgol ar ddydd Gŵyl Dewi. Bum yn canu a dysgu am Dewi Sant gan ymwneud ag amrywiaeth o weithgareddau difyr.

Diwrnod y Llyfr Gwych!

Diolch i Anni Llyn/Ceridwen am ddod atom! Diwrnod yn llawn storiau, chwarae gemau a chyfansoddi cerdd!
Daeth pawb i'r ysgol wedi gwisgo fel cymeriad o'u hoff lyfr.

Cliciwch yma i weld mwy o luniau.

Podlediad

Plant blwyddyn da a thri di cael p’nawn difyr yn creu Podlediad ar 'Ailgylchu' gyda Marc Griffiths. Profiad unigryw, pawb wedi cymryd rhan ac wedi mwynhau yn arw.

Cliciwch yma i weld mwy o luniau.

Sioe Kariad

Pawb wedi mwynhau sioe rithiol gan gwmni ‘Kariad’ heddiw! Sioe liwgar llawn 'Hud a Lledrith a Hunan hyder!'

Cliciwch yma i weld mwy o luniau.

Carys ofalus a Diogelwch y Ffyrdd

Diolch i Miss Paula am ddod i ddysgu’r plant am ddiogelwch y ffyrdd!

Cliciwch yma i weld mwy o luniau.

Wythnos Gerdded i'r ysgol Mai 2022

Penderfynodd y Cyngor Ysgol gefnogi wythnos gerdded i'r ysgol unwaith eto gan annog plant yr ysgol a'r rhieni i gerdded i'r ysgol bob bore a cherdded adref o'r ysgol bob prynhawn.

Cliciwch yma i weld mwy o luniau.

Ymweliad Yr Ysgol feithrin

Cawsom fore bendigedig gyda chriw yr Ysgol Feithrin. Diolch am ddod atom!

Cytadleuaeth 'Cadwch Cymru'n Daclus'

Newyddion da!
Bu i ddosbarth blwyddyn 2 a 3 gymryd rhan yng nghystadleuaeth ‘Cadwch Cymru’n Daclus’. Yr her oedd creu fideo ar y thema ‘Lleihau Gwastraff’. Mae fideo Ysgol Morfa wedi cael ei dewis yn un o’r tri gorau drwy Gymru gyfan! Bydd y fideo yn mynd ymlaen i gynrhychioli Cymru mewn cystadleuaeth Rhyngwladol! Pob lwc!

‘Sach Hud Siôn Corn’

‘Sach Hud Siôn Corn’ oedd ein cyngerdd Nadolig rhithiol eleni! Pawb wedi mwynhau ac yn edrych yn wych yn eu gwisgoedd!

Cliciwch yma i weld mwy o luniau.

Wythnos llawn dathliadau!

Bu plant Blwyddyn 2 a 3 yn brysur yn creu murlyn Santes Dwynwen gyda'r arlunydd lleol Dafydd Trefor. Yn ogystal yn ystod yr wythnos cawsom barti mawreddog i ddathlu penblwydd Mistar Urdd yn 100 oed!

Cliciwch yma i weld mwy o luniau.

Diolchgarwch

Dyma neges o ddiolchgarwch gan blant y Cyfnod Sylfaen. Mae blwyddyn 2 a 3 wedi ysgrifennu gweddi Diolchgarwch bersonol - ewch ar seesaw i glywed gweddi eich plentyn a’i clywed yn canu. Mwynhewch y gwyliau!

Pwmpen

Ar ôl i ni blannu hadau ym mis Mawrth, tyfodd bedair pwmpen anferth yn yr ardd! Cawsom llawer o hwyl yn eu casglu a dyma yw thema y ddau ddosbarth ar hyn o bryd; dysgu am y bwmpen.

Cliciwch yma i weld mwy o luniau

Diwrnod Shwmae Su’mae

Bum yn dathlu diwrnod Shwmae Su’mae - diwrnod i ddathlu’r iaith gan gyfarch ein gilydd yn Gymraeg. Rydym yn ddibynnol iawn ar hyn o bryd ar ddulliau digidol o gyfathrebu ac felly dyma rieni a phlant ysgol Morfa Nefyn yn cyfarch yn Gymraeg drwy fidio. Rhowch gynnig arni!

Cyngor ysgol

Cawsom etholiad Cyngor Ysgol gwahanol iawn eleni gan ein bod mewn dwy swigen. Diolch i flwyddyn 3 am roi perfformiad arbennig i’r plant cyfnod sylfaen o sgrîn i sgrîn yn ein cyfarfod ar-lein. Cafodd pawb gyfle i bleidleisio a dyma nhw aelodau’r Cyngor ysgol eleni. Da iawn i bawb am eu hymdrech!

Diwrnod Ffitrwydd 2020

Daeth pawp i’r ysgol wedi gwisgo dillad ymarfer corff i gymeryd rhan yn y Diwrnod Ffitrwydd.
Diwrnod llawn o weithgareddau cadw’n heini i ddysgu am bwysigrwydd cadw ein cyrff yn iach.
Bum yn rhedeg milltir, ymarfer corff, cymeryd rhan mewn sesiwn ioga a cherdded am dro gyda’r plant meithrin yn y prynhawn.

Dydd Miwsig Cymru

Wel am ddiwrnod difyr yn dathlu dydd miwsig Cymru! Daeth pawb ag offerynnau amrywiol i’r ysgol i ymuno wrth wrando ar gerddoriaeth Cymraeg ac roedd y disgo a’r ‘Carioci Cŵl’ yn y prynhawn yn llawn hwyl.

Welsh Music Day

Cliciwch yma i weld mwy o luniau

Diwrnod Santes Dwynwen

DYDD SANTES DWYNWEN HAPUS i bawb. Pawb wedi bod yn brysur yn dysgu stori Dwynwen drwy ymwneud â gweithgareddau llythrennedd, rhifedd, cymhwysedd digidol a chelf.

Taith gwlân

Fel rhan o thema ‘anifeiliaid y fferm’, mae disgyblion blwyddyn Meithrin, Derbyn ac 1 wedi bod yn dysgu am daith gwlân o’r ddafad i’r siwmper. Diolch i mam Elsie am ddod draw i ddysgu pawb am y camau; o’r cneifio i’r gwau. Ewch draw i’w gwefan i weld ei chynnyrch arbennig.
http://www.patchworksheep.co.uk/

Gwobr Aur Siarter iaith 2019

Rydym wedi derbyn gwobr aur y siarter iaith eto eleni. Da iawn pawb! Dyma ddau aelod o’r Cyngor Ysgol gyda’r tystysgrif.

Canu carolau ym Mhlas Madryn
Diolch i bawb ym Mhlas Madryn am y croeso cynnes cyn y Nadolig. Roedd y plant wrth eu boddau yn canu carolau Nadolig i’r staff a’r preswylwyr.

Codio Nadoligaidd
Cafodd plant blwyddyn 2 a 3 llawer o hwyl yng nghwmni TechnoEd yn creu gweithgareddau codio Nadoligaidd. Datblygu sgiliau cymhwysedd ddigidol, annibyniaeth a dyfalbarhau.

Cyngerdd Nadolig
Santa ar Streic oedd ein sioe Nadolig eleni. Da iawn blantos am berfformio mor arbennig. Diolch i staff y golff, rhieni a staff yr ysgol am yr holl gefnogaeth. Dydy Santa ddim ar streic bellach!! HWRE!!

Goleuo coeden Nadolig y pentref
Diolch i Cylch Meithrin Morfa Nefyn am drefnu noson bendigedig unwaith eto eleni i groesawu Sion Corn i’r pentref. Pawb wedi mwynhau canu carolau o dan y goeden a chyfri yn ôl i oleuo y goeden yng nghwmni Liz Saville Roberts.

Plant mewn angen
Diolch i bawb am gefnogi a chyfrannu tuag at elusen Plant mewn Angen heddiw. Casglwyd £77.05. Roedd pawb wedi gwisgo i fyny er mwyn cadw’n heini gyda Joe Wicks a Pudsey. Diolch i’r Cyngor Ysgol am eu syniadau. Bu cwmni busnes LLOND BOL yn brysur yn creu byrbryd melys iachus ar gyfer eu gwerthu i’r plant.

Cliciwch yma i weld mwy o luniau.

Wythnos gwrth-fwlio 2019
Bum yn dathlu wythnos gwrth-fwlio yn yr ysgol gan ddysgu am fwlio a’i effaith. Gwisgodd bawb sanau gwahanol (sanau oedd ddim yn matsio) fel symbol fod pawb yn wahanol mewn ffyrdd amrywiol.

Cawl llysiau
Penderfynodd cwmni busnes Llond bol blwyddyn 2 a 3 wneud cawl llysiau blasus i’r rhieni gan ddefnyddio y llysiau yr oeddent wedi eu cyfrannu i addurno y capel ar gyfer y gwasanaeth Diolchgarwch. Blasus iawn! Rhoddwyd mwyafrif y llysiau yn rhodd i gartref Plas Madryn.

Elusen Ambiwlans Awyr
Penderfynodd y Cyngor ysgol gyfrannu casgliad y gwasaneth Diolchgarwch eleni tuag at elusen Ambiwlans Awyr Cymru. Dyma lun ohonynt yn cyflwyno siec o £128.25 i Eryl sydd yn gweithio i’r elusen.

Diwrnod Shwmae Su’mae!
Cliciwch yma i weld fidio y plant a’r rhieni. Diolch i rieni Ysgol Morfa am gymryd rhan a chyfarch yn Gymraeg. Da iawn pawb!

Cliciwch yma i weld y fidio

WYTHNOS AILGYLCHU!
Cawsom wythnos ddifyr yn dysgu am bwysigrwydd ailgylchu. Daeth Gwenllian, Swyddog Ailgylchu draw i roi cyflwyniad i’r plant a bu disgyblion blwyddyn M,D ac 1 yn brysur yn creu yn yr ardal gelf a chrefft gyda deunyddiau ailgylchu.

Cliciwch yma i weld mwy o luniau.

Yr Ardd
Bu dosbarth blwyddyn 2 a 3 yn brysur iawn yn chwynnu’r ardd ar ôl tyfiant gwyliau’r Haf. Bu iddynt gasglu’r blodau gwyllt i’w gwerthu i rieni.

Diwrnod Owain Glyndwr
Cawsom ddiwrnod difyr yn dathlu diwrnod Owain Glyndwr eto eleni. Bum yn dysgu am ei hanes ac am gestyll Cymru.

Cliciwch yma i weld mwy o luniau.

Sialens ddarllen yr Haf
Llongyfarchiadau i bawb a wnaeth wynebu her sialens ddarllen yr Haf yn y llyfrgell yn ystod gwyliau’r Haf.

Gala Nofio
Diolch i ddisgyblion blwyddyn 3 am gynrychioli’r ysgol yn y gala nofio eleni. Llongyfarchiadau i bob un am eu hymdrech a llongyfarchiadau mawr i Guto am gael 1af yn ras cefn blwyddyn 4! Gwych!

Wythnos Gerdded i’r Ysgol
Ymdrech arbennig unwaith eto gan bawb wrth geisio cerdded i’r ysgol bob dydd o’r wythnos. Llwyddodd yr ysgol i dderbyn tystysgrif arian gan (gwybodaeth yn dod yn fuan)

Criw Mentrus
Llongyfarchiadau mawr i’r 4 disgybl a fu’n cynrychioli cwmni busnes LLOND BOL ysgol Morfa yng nghystadleuaeth y criw mentrus. Roedd derbyn y gwahoddiad i’r rownd derfynol yn fraint ac yn brofiad anhygoel iddynt! Roeddent wrth eu boddau yn cael cyflwyno eu cynnyrch i bawb, gan gynnwys jam mefus, bara brith a thaffi triog. Llongyfarchiadau mawr iawn i Nico Jones am gael ei ddewis fel yr ‘Unigolyn eithriadol’. Gwych!

Diwrnod Blasu
Pawb wedi mwynhau y diwrnod blasu. Blwyddyn Derbyn wedi bod yn yr ysgol drwy’r dydd a’r plant meithrin newydd wedi ymuno yn y prynhawn. Diwrnod difyr a’r tywydd wedi sicrhau digon o amser yn yr ardaloedd tu allan! Cliciwch yma i weld mwy o luniau.

Gwerthu Letys
Wel mae’r letys yn barod ac ar werth! I bawb a brynodd... mwynhewch eich salad iachus heno! Diolch unwaith eto i LLOND BOL!

Gwyl Blas y Môr
Diolch yn fawr i bawb a ddaeth i wyl Blas y Môr i gefnogi’r ysgol ac i’r Gymdeithas rieni am werthu cacennau blasus! Prynhawn bendigedig yn yr haul. Llongyfarchiadau i ennillwyr y gystadleuaeth gwisg ffansi a’r gystadleuaeth Celf.

Amgueddfa Forwrol
Fel rhan o thema ‘y môr’ aeth plant blwyddyn 2 a 3 i ymweld â Amgueddfa forwrol Nefyn. Roedd pawb wedi mwynhau yn arw ac wedi cael croeso cynnes.

Parti piws
Pawb wedi mwynhau y Parti Piws heddiw. Diolch i bawb am ymuno ac am gyfrannu tuag at Gylch Meithrin Morfa Nefyn. Roedd y plant wrth eu bodd yn cael ymweliad gan Dewin a Doti yn y prynhawn. Syniad da iawn gan y Mudiad Meithrin!

Coleg y Bala
Cawsom ddiwrnod gwych yng ngholeg y Bala heddiw yn dysgu am stori’r Pasg drwy weithgareddau amrywiol. Pawb wedi mwynhau! Cliciwch yma i weld mwy o luniau.

Wythnos ‘Dysgu yn yr Awyr Agored’
Cawsom brynhawn difyr ar daith natur y Gwanwyn. Gwelsom flodau gwyllt amrywiol ac ambell i drychfil. Braf oedd cael cyfle i ddysgu am fyd natur yn ein cymuned.

Dathliad ysgolion creadigol
Diolch i bawb a ddaeth i ddathliad ein prosiect ysgolion creadigol heddiw. Mae disgyblion blwyddyn Derbyn ac 1 wedi cael llawer o hwyl yng ngwmni Gai Toms a Siwan Llynor yn ymwneud â gweithgareddau amrywiol i ddatblygu eu dychymyg a’u creadigrwydd. Roedd ymweld â Byd y Tylwyth teg yn hudolus!

Diwrnod trwynau coch
Casglwyd £68.44 heddiw drwy dalu £1 am wisgo gwisgoedd gwirion. Cawsom sesiwn dweud jôcs a bu pawb yn brysur yn creu sbectols boncyrs. Diolch o galon i nain Isobel am y cacennau trwyn coch blasus. Pawb wedi mwynhau yn arw!

Diwrnod y Llyfr 2019
Daeth yr awdures Nia Gruffydd i’r ysgol i ddarllen a thrafod straeon cyfres Maes y Mes. Roedd y plant wrth eu bodd yn gwrando ar hanesion difyr y tylwyth teg! Mae disgyblion blwyddyn Meithrin, Derbyn ac 1 yn edrych ymlaen yn arw i ddysgu mwy am y cymeriadau fel rhan o thema y dosbarth.

Dathlu Dydd Gwyl Dewi
Roedd pawb werth eu gweld yn eu dilladau Cymreig heddiw i ddathlu Dydd Gwyl Dewi. Pleser mawr oedd croesawu Mercher y Wawr i ymuno yn y dathliadau ac i wrando ar berfformiadau y plant.

Pared Dewi Sant
Cawsom fore difyr iawn yn y pared Dewi Sant ym Mhwllheli a’r plent wedi mwynhau canu yng nghwmni Dewi Pws yn arw. Diolch i bawb am ymuno!

Meddylfryd o Dwf
‪Diolch i Mrs Nesta Jones, mam y canwr opera bydenwog Bryn Terfel am ymuno gyda ni yn yr ysgol i ddweud hanes ei yrfa. Bu dysgu am ei fywyd yn ysbrydoliaeth i’r plant i ddyfalbarhau, dal ati a dilyn eu breuddwyd.

Dydd Miwsig Cymru
Cawsom ddiwrnod arbennig yn dathlu Dydd Miwsig Cymru heddiw. Roedd pawb wrth eu bodd yn canu carioci i gân newydd Seren a Sbarc ac yn gwrando ar eu rhestr chwarae wrth fwyta eu cinio. Ar ddiwedd y dydd bu pawb yn dawnsio i amrywiaeth o ganeuon cymraeg; y ffefryn eleni oedd ‘Rhedeg i Baris’ gan Candelas. Gosodwyd gwis i’r rhieni a’r disgyblion am restr chwarae Seren a Sbarc – dyma lun o ennillwyr y gystadleuaeth gyda’r wobr arbennig.

Santes Dwynwen
Dydd Santes Dwynwen hapus i chi gyd. Cawsom ddiwrnod difyr yn ymwneud ag heriau amrywiol yn yr ardaloedd dysgu i ddathlu. Bum yn cynllunio a chreu crefftau calonnau ac yn bwyta bisgedi blasus gan gwmni busnes LLOND BOL. Cliciwch yma i weld mwy o luniau.

WCW
Llongyfarchiadau i Nel Lois, blwyddyn meithrin am lwyddo i ddylunio llun broga arbennig ar gyfer cylchgrawn ‘Wcw a’i ffrindiau’.

Dydd miwsig Cymru
Cawsom ddiwrnod arbennig yn dathlu Dydd Miwsig Cymru. Roedd pawb wrth eu bodd yn canu carioci i gân newydd Seren a Sbarc ac yn gwrando ar eu rhestr chwarae wrth fwyta eu cinio. Ar ddiwedd y dydd bu pawb yn dawnsio i amrywiaeth o ganeuon cymraeg; y ffefryn eleni oedd ‘Rhedeg i Baris’ gan Candelas. Pob lwc i’r rhieni a’r disgyblion yn y cwis am restr chwarae Seren a Sbarc yn ystod y penwythnos - pwy fydd yn ennill y wobr arbennig dybed?

Canu carolau yn Hafod Hedd
Diolch yn fawr iawn i staff Hafod Hedd am y croeso cynnes. Roedd y disgyblion wrth eu bodd yn canu carolau i’r trigolion. Cyflwynwyd siec o £194.10 a gasglwyd yn y cyngerdd Diolchgarwch er mwyn iddynt gael prynu camera newydd.

Amgueddfa Lloyd George
Cawsom ymweliad hynod o ddifyr i Amgueddfa Lloyd George, Llanystumdwy i ddysgu am draddodiadau Nadolig yn Oes Fictoria.

Cliciwch yma i weld y lluniau.

Cyngerdd Nadolig
Nadolig yng Ngwlad y Rwla oedd ein cyngerdd Nadolig eleni. Roedd pawb yn edrych yn wych yn eu gwisgoedd.

Plant mewn Angen
Daeth y disgyblion i’r ysgol wedi gwisgo mewn dillad Pudsey, dillad smotiog neu ddillad melyn i gasglu arian tuag at Blant mewn Angen. Casglwyd £75 i gyd, diolch pawb! Diolch arbennig i’r Cyngor ysgol am drefnu.

Ffair Nadolig
Diolch i bawb a fynychodd Ffair Nadolig yr ysgol eleni ac i’r holl rieni am helpu a chyfrannu. Roedd y cacennau ar y stondin gacennau yn edrych yn arbennig. Gwnaethpwyd elw anhygoel o £859. Gwych!

Blasu cinio ysgol
Roedd y rhieni a’r disgyblion wedi mwynhau’r sesiwn blasu cinio ysgol. Cafodd y plant meithrin gyfle i flasu amrywiaeth o fwydydd sydd ar y fwydlen ac mae bob un ohonynt yn edrych ymlaen i gael y cinio ysgol pan fyddant yn mynychu drwy’r dydd flwyddyn nesaf.

Casglu arian at dementia
Casglwyd £194.10 ar gyfer dementia yn y casgliad Diolchgarwch. Diolch i bawb am gyfrannu mor hael. Bydd yr arian yn cael ei ddefnyddio i brynu camera ar gyfer preswylwyr Hafod Hedd, yr uned dementia lleol yn Y Ffôr. Maent yn mynd ar dripiau rheolaidd a bydd y camera yn sicrhau fod ganddynt gofnod o’r tripiau difyr a’r atgofion hapus.

Diwrnod Shwmai, Su’mae
Bu’r Cyngor ysgol yn cyfarch rhieni a phlant yn y giat bore heddiw i ddathlu diwrnod Shwmai Su’mae. Dyma lun o gystadleuaeth rhieni ysgol Morfa gan y Cyngor Ysgol. Ydych chi’n gwybod pwy ‘di pwy o’r enwogion Cymraeg? Llongyfarchiadau i bawb a lwyddodd ond yn arbennig i ennillydd y gystadleuaeth; Elin Williams (mam Nel Lois). Derbyniodd CD gyda 40 o ganeuon adnabyddus Cymreig yn wobr.

Rhys a Meinir
Bu dosbarth blwyddyn 2 a 3 yn Nantgwrtheyrn ddoe fel rhan o thema y tymor hwn - chwedl Rhys a Meinir. Roedd pawb wedi mwynhau llawer o weithgareddau amrywiol gan gynnwys helfa drysor, addurno bisgedi a chael eu tywys o gwmpas y Nant yn dysgu am fywyd caled y chwarelwyr. Gwisgodd bawb mewn dillad y cyfnod wrth wrando ar chwedl Rhys a Meinir.

Sialens ddarllen yr Haf
Llongyfarchiadau i bawb a wnaeth wynebu her sialens ddarllen yr Haf yn y llyfrgell. Derbyniodd bawb fedal a thystysgrif am ddarllen 9 llyfr yn ystod gwyliau’r Haf. Da iawn chi!

Dathlu diwrnod Owain Glyndwr
Daeth pawb i’r ysgol mewn dillad coch heddiw i ddathlu diwrnod Owain Glyndwr. Bum yn ymwneud ag amrywiaeth o weithgareddau yn y dosbarthiadau i ddysgu am ei hanes.

Gwerthu cacennau mwyar duon
Bu i gwmni busnes LLOND BOL gael ‘helpars’ bach i gasglu mwyar duon gyda hwy cyn mynd ati i goginio cacennau a’u gwerthu i’r plant a’r rhieni! Diwrnod prysur a difyr!

Cliciwch yma i weld y lluniau.

Gelli Gyffwrdd
Cawsom drip diwedd tymor gwych yn Gelli Gyffwrdd!
Cliciwch yma i weld yr holl luniau.

Codi tatws
Gwaith caled oedd codi’r tatws. Byddwn yn eu pwyso a’u rhoi mewn bagiau yn barod i’w gwerthu ar stondin Menter Morfa yn y Ffair Haf. Cofiwch eu prynu!

Ffair Haf
Noson lwyddiannus iawn yn Ffair Haf yr ysgol. Gwnaethpwyd elw arbennig o £643.44! Diolch i’r Gymdeithas Rieni a phawb a gefnogodd y noson. Diolch o galon i Elfed, Spar Nefyn am gyfrannu mor hael tuag at ein BBQ. Cliciwch yma i weld y lluniau!

Penblwydd Cyw
Bum yn dathlu penblwydd Cyw yn 10 oed. Cliciwch yma i weld lluniau o blant y Cyfnod Sylfaen yn paratoi at y parti yn ardaloedd dysgu y dosbarth. Cardiau, hetiau, addurno bisgedi a gemau difyr!

Gŵyl Fwyd Môr
Diolch yn fawr i bawb a ddaeth i’r traeth i’r Gŵyl Fwyd Môr i gefnogi’r ysgol ac i’r Gymdeithas rieni am werthu cacennau blasus! Y plant wedi canu yn wych a phawb wedi mwynhau prynhawn bendigedig yn yr haul. Llongyfarchiadau i ennillwyr y gystadleuaeth Celf- Isabella, Jamie, Cynan, Nico ac Ela.

Ailgylchu
Daeth Gwenllian, Swyddog Ailgylchu i’r ysgol at ddisgyblion blwyddyn 2 a 3 i drafod pwysigrwydd ailgylchu. Cawsom fore difyr iawn yn ei chwmni!

Planhigion
Diolch yn fawr i Robert Parkinson o’r Ymddiriedolaeth Genedlaethol am ddod draw i’r ysgol i ddysgu disgyblion blwyddyn Derbyn ac 1 am sut mae planhigion yn tyfu. Cafodd pawb fore difyr yn chwilio am blanhigion amrywiol ar dîr yr ysgol ac yn plannu hedyn blodyn haul. Blodyn haul pwy fydd y cyntaf i dyfu dybed?

Casglu sbwriel ar y traeth
Daeth Catrin Glyn, Swyddog Cadwraeth Pen Llyn a’r Sarnau i’r ysgol heddiw i siarad gyda bl 2 a 3 am ei gwaith. Cawsom amser gwych yn ei chwmni yn dysgu am fywyd y môr ym Mhen Llyn a pha effaith mae llygredd yn ei gael a’r greaduriaid y môr. Yn dilyn hyn aethom lawr i draeth Bwlch i gasglu sbwriel...a llawer ohono!! Diwrnod addysgiadol iawn. Cliciwch yma i weld mwy o luniau

Diwrnod trosglwyddo dosbarthiadau
Pawb wedi mwynhau y diwrnod trosglwyddo yn mis Mehefin! Blwyddyn Derbyn newydd wedi mwynhau cael cinio ysgol am y tro cyntaf a phlant blwyddyn Meithrin newydd wrth eu boddau yn yr ardaloedd tu allan. Cliciwch yma i weld y lluniau.

LLOND BOL
Diolch i bawb a fynychodd lansiad cwmni busnes 'LLOND BOL' blwyddyn 2 a 3. Gwerthodd y plant eu cynnyrch cyntaf heddiw sef cacennau cri blasus. Beth fydd eu syniad nesaf dybed? Mae'r disgyblion wedi mwynhau y broses yn arw, gan ddysgu sgiliau mentergarwch a Thechnoleg Gwybodaeth. Diolch i Owain Llyr, Martin Thomas a Sian Thomas am eu cefnogaeth.

Gweithgareddau'r Ganolfan Hamdden
Mae’r gweithgareddau Antur wedi cychwyn yn y Ganolfan unwaith eto eleni. Bu rhai o ddisgyblion blwyddyn 2 a 3 yn mwynhau dysgu sgiliau achub bywyd ac eraill yn dringo ar y wal ddringo.

Cliciwch yma yma i weld mwy o luniau!

Garddio
Mae blwyddyn 2 a 3 wedi bod yn brysur iawn yn garddio yr wythnos hon. Roedd llawer o waith i’w wneud gan gynnwys chwynnu a phalu i baratoi y tîr cyn plannu’r tatwstatoes.
Cliciwch yma yma i weld mwy o luniau!

Presenoldeb llawn
Llongyfarchiadau i’r disgyblion yma am bresenoldeb llawn yn ystod tymor y Gwanwyn. Gwych!

Cyswllt rhwng yr ysgol a’r Cylch Meithrin

Daeth plant y Cylch Meithrin am dro i’r dosbarth yr wythnos hon. Bu i bawb fwynhau chwarae yn yr ardaloedd tu allan a thu mewn a bum yn canu hwiangerddi cyn mynd adref. Roedd blwyddyn Derbyn ac 1 wedi mwynhau eu cwmni yn arw! Cliciwch yma i weld mwy o’r lluniau.

Dydd miwsig Cymru

Diolch i Owain Llyr am ddod a’i offer DJ i’r ysgol i ni gael dathlu #DyddmiwsigCymru. Cawsom ddisgo arbennig yn gwrando ar amrywiaeth o gerddoriaeth Cymraeg! Syniad gwych unwaith eto gan y Cyngor Ysgol. Cliciwch yma i weld mwy o’r lluniau.

Eisteddfod

Llongyfarchiadau i’r tri disgybl yma yn yr Eisteddfod Cylch a phob lwc iddynt yn yr Eisteddfod Sir ym Mangor.

Cyngerdd Gŵyl Ddewi

Gwisgodd y plant ddillad Cymreig neu lliwiau’r faner i ddod i’r ysgol ar ddydd Gŵyl Dewi. Bum yn dysgu am Dewi Sant gan ymwneud ag amrywiaeth o weithgareddau. Cynhaliwyd ein cyngerdd Gŵyl Ddewi yn y Ganolfan a bu’r plant yn canu, llefaru a dweud jôcs wrth y gynulleidfa. Ymunodd rhieni sydd wedi bod yn dysgu Cymraeg yn yr ysgol gyda’r plant ar y llwyfan i ganu hwiangerddi. Llongyfarchiadau mawr iddynt!

Dathliadau a Traddodiadau’ Flwyddyn Newydd

Bu dosbarth blwyddyn Meithrin, Derbyn ac 1 yn dysgu am ddathliadau’r Flwyddyn Newydd. Dysgom am draddodiadau traddodiadol yr hen galan yng Nghymru ac am draddodiadau difyr iawn sydd yng Ngwledydd eraill y Byd. Cliciwch yma i weld lluniau o’r gweithgareddau.

Rhieni yn dysgu cymraeg - Sesiwn 2

Gwahoddwyd rhieni sydd yn dysgu Cymraeg i’r ysgol eto ym mis Ionawr. Yn ystod y sesiwn bum yn dysgu sut i drafod y tywydd yn syml a sut i gyfri gan adnabod rhifau yn Gymraeg. Cafodd bob un o’r rhieni gyfle i weithio yn y siop llefrith gan ddysgu patrymau brawddeg newydd. Diolch i chi am ymuno! Rydym yn edrych ymlaen at sesiwn mis Chwefror yn barod.

Ysgolion Creadigol

Cynhaliwyd sesiwn 1 ‘ysgolion creadigol arweiniol’ yr wythnos hon. Daeth Martin Thomas a Owain Llyr i’r ysgol i gynnal gweithgareddau amrywiol fel rhan o’r prosiect i ddatblygu sgiliau mentergarwch a digidol y disgyblion. Cafodd y plant gyfle i gyfweld perchnogion Garej Morfa i ddysgu am eu busnes. Diolch i staff Garej Morfa am y croeso!

Presenoldeb

Llongyfarchiadau i'r plant hyn am lwyddo i gael presenoldeb llawn yn nhymor yr Hydref gan fynychu'r ysgol bob dydd! Gwych!

Nadolig 2017

Cawsom llawer o hwyl yn dathlu'r Nadolig unwaith eto yn yr ysgol. Yn dilyn cyngerdd arbennig gan y disgyblion, aethom am drip Nadoligaidd i weld Panto 'Culhwch ac Olwen' yng Nghriccieth a galw i weld Sion Corn yn Nhyddyn Sachau ar y ffordd yn ol. Gwsigodd pawb siwmper Nadolig i ddod i'r parti Nadolig yn yr ysgol, gan gasglu arian tuag at gronfa Evie Hughes. Casglwyd £42 i gyd! Cliciwch yma i weld holl luniau o ddathliadau'r Nadolig.

Dysgu am y Rhyfel Byd 1af gyda Steve Jones

Daeth Steve Jones i'r ysgol i drafod gwrthrychau y Rhyfel Byd 1af gyda disgyblion blwyddyn 2 a 3. Bu iddynt ddysgu llawer yn ei gwmni. Diolch iddo am ei amser.

Cliciwch yma i weld yr holl luniau.

Canu Carolau ym Mhlas Madryn

Aeth y disgyblion i ganu carolau i drigolion Plas Madryn yn dilyn y Cyngerdd Nadolig. Cawsom groeso cynnes yn ol yr arfer a phawb yn canu eu gorau glas. Cliciwch yma i weld yr holl luniau.

Ffair Nadolig

Codwyd swm anhygoel o £1082.87 yn y ffair Nadolig eleni. Diolch i’r gymdeithas rieni am drefnu ac i bawb am bob cefnogaeth. Hoffem ddiolch yn arbennig i Nanhoron am gael defnyddio’r gwesty ac am fod mor gefnogol!

Dysgu Cymraeg

Gwahoddir rhieni sydd yn awyddus i ddysgu Cymraeg i’r ysgol. Yn ystod y sesiwn gyntaf y tymor hwn, ymunodd tad Isobel gyda ni yn y dosbarth gan gymryd rhan mewn gweithgareddau amrywiol a chanu hwiangerddi. Dysgodd llawer o eiriau newydd gan gynnwys enwau adar. Bu’n rhannu llefrith i’r plant gan weithio yn y ‘siop llefrith’. Diolch iddo am ymuno gyda ni ac am fod mor awyddus.

Sul y cofio

Daeth Myfanwy Hughes i'r ysgol i drafod 'Sul y Cofio' gyda plant Bl 2 a 3 yr wythnos hon! Dangosodd rith o bapi coch hardd i gofio am y milwyr a gollodd eu bywydau yn y rhyfel mawr a'r ail ryfel byd! Aeth y plant gyda hi i weld cofgolofn yn Eglwys Santes Fair, Morfa Nefyn. Esboniodd y bydd gwasanaeth arbennig yn cael ei gynnal dydd Sul i gofio am y milwyr! Gofynodd i 2 blentyn hynaf yr ysgol i fynychu y gwasanaeth arbennig dydd Sul ac i osod rith ger y gofgolofn ar ran y Cynghorydd Lis Saville Roberts.

Gymnasteg

Cynhaliwyd y Cyngerdd Diolchgarwch yn yr Eglwys Santes Fair eleni. Cafodd plant blwyddyn 2 a 3 hwyl yn creu siapiau gyda eu cyrff yn y wers gymnasteg. Roeddent yn cyd-weithio gyda partner gan ddatrys problem a chreu siap ble roedd rhannau amrywiol o'u cyrff yn cyffwrdd. Cliciwch yma i weld mwy o luniau.

Gwasanaeth Diolchgarwch

Cynhaliwyd y Cyngerdd Diolchgarwch yn yr Eglwys Santes Fair eleni. Roedd y disgyblion yn diolch am dymor yr Hydref a perfformiwyd stori 'y wiwer fach goch' gan blant blwyddyn 2 a 3. Cafwyd casgliad tuag at cronfa Evie Hughes. Casgliwyd £227.27 i gyd. Diolch i bawb am fod mor hael. Bydd yr ysgol yn trefnu mwy o weithgareddau yn ystod y tymor er mwyn casglu mwy o arian i'r gronfa.

Canu ym Mhlas Madryn

Yn dilyn ein cyngerdd Diolchgarwch, aethom am dro i Blas Madryn i ganu caneuon y cyngerdd i'r henoed. Cawsom groeso cynnes ganddynt ac roedd y staff wedi paratoi cacennau blasus i ddiolch i'r plant am ganu mor dda a chodi calonnau'r preswylwyr. Cliciwch yma i weld yr holl luniau.

Hyfforddiant ‘defib’

Daeth Philip Jones, amiwlans Cymru draw i'r ysgol i siarad gyda'r plant a rhieni am y ‘Defib’ a rhoi hyffroddiant syml iddynt. Dysgodd pawb am ei bwysigrwydd i’r gymuned. Cliciwch yma i weld y lluniau.

Plas yn Rhiw, Hydref 2017

Hoffai blant blwyddyn Derbyn ac 1 ddiolch i Robert sydd yn gweithio gyda’r Ynddiriedolaeth am fore difyr ym Mhlas yn Rhiw unwaith eto. Bum yn chwilio am adar amrywiol ac yn dysgu eu henwau cyn mynd ati i greu peli o fwyd iddynt ar gyfer y Gaeaf gan ddefnyddio lard, hadau a chnau. Cliciwch yma i weld mwy o luniau.

Sialens ddarllen yr Haf

Llwyddodd 16 o ddisgyblion i gwblhau sialens ddarllen yr Haf eleni. Dyma luniau ohonynt gyda’r tystysgrifau a’r medalau. Llongyfarchiadau mawr iddynt!

Ymweliad PC Owen

Daeth PC Owen i’r ysgol yr wythnos hon. Bu i blant blwyddyn Derbyn ac 1 ddysgu am leoliadau yn yr amgylchedd sydd yn ddiogel i chwarae ynddynt ac adnabod peryglon mewn lleoliadau sydd ddim yn ddiogel. Dysgodd blwyddyn 2 a 3 beth yw ystyr y gair bwlio a sut i fod yn ffrind da.

Ymweld a'r Ysgwrn

Aeth disgyblion blwyddyn 2 a 3 i ymwed a'r Ysgwrn yn Nhrawsfynydd i gofio am y bardd Hedd Wyn a bu farw can mlynedd yn ol yn y rhyfel mawr! Bu iddynt fwynhau gweld y 'Gadair ddu' a'r ffermdy. Profiad gwerth chweil!

Cliciwch yma i weld y lluniau.

Y Cyngor Ysgol Newydd

Llongyfarchiadau i bump cynghorydd newydd Ysgol morfa Nefyn. Etholwyd y pump ohonynt yn dilyn perfformiad yn rhannu syniadau a’i gweledigaeth o wella yr Ysgol gyda’r holl ddisgyblion. Mae ganddom gadeirydd a chadeiryddes, trysorydd, ysgrifennydd ac ysgrifenyddes. Maent wedi cychwyn ar eu gwaith yn barod ac yn mwynhau y cyfrifoldebau. Cliciwch yma i weld lluniau o’r etholiad

Ffair Haf 2017

Casglwyd swm anhygoel o £750.58 yn y Ffair Haf eleni. Diolch i Gymdeithas Rieni yr ysgol am drefnu y Ffair ac i’r holl rieni am gefnogi a gwario ar y noson. Cliciwch yma i weld lluniau o’r mabolgampau a’r Ffair Haf.

Dathlu llwyddiant lleol

Nos Wener, 14eg o Orffennaf, 2017 trefnwyd noson arbennig i longyfarch Mared Llywelyn Williams, cyn-ddisgybl ysgol Morfa ar ei llwyddiant yn ennill y fedal ddrama yn Eisteddfod yr Urdd, Pen-y-Bont ar Ogwr eleni. Gwahoddwyd Nia W Williams, pennaeth yr ysgol i roi gair am Mared am ei chyfnod yn ysgol Morfa, a bu i blant Bl 2 a 3 ganu caneuon traddodiadol y môr ar y noson. Bu i Mared, ar gais y Cyngor Ysgol, ddod i’r ysgol y Dydd Llun canlynol i siarad gyda’r plant am ei chyfnod yn yr ysgol, ei hanes yn ennill y fedal ddrama yn yr Eisteddfod a chyflwyno sialens ddarllen yr haf gan ei bod yn gweithio yn y llyfrgell.

Sialens ddarllen yr Haf

Yn dilyn sgwrs gan Mared Llywelyn yn yr ysgol i annog y disbyglion i gymryd rhan yn y sialens ddarllen, cerddodd holl blant yr ysgol i’r Llyfrgell yn Nefyn i ddewis 3 llyfr ar gyfer y gwyliau. Enw’r sialens eleni yw ‘Asiantaeth anifeiliaid’, cyffrous iawn! Cofiwch ymweld â’r Llyfrgell ddwy waith eto yn ystod y gwyliau Haf i gwblhau’r sialens a derbyn medal. Cliciwch yma i weld lluniau ohonom yn y Llyfrgell.

Ymweld a’r Bad Achub

Bu plant blynyddoedd Derbyn, 1, 2 a 3 ym Mhorthdinllaen yr wythnos hon yn ymweld â’r Bad Achub. Bwriad yr ymweliad oedd i gyflwyno siec o £50 yr oedd y Cyngor Ysgol wedi ei gasglu ar gyfer y Bad Achub yn ystod y tymor. Yn y prynhawn, bum yn coginio ‘marshmallows’ ar y traeth gyda Laura a Robert o’r Ymddiriedolaeth. Cawsom ein dal yn y storm ac roedd pawb yn wlyb socian yn cyrraedd nôl i’r ysgol. Diwrnod llawn hwyl a sbri! Cliciwch yma i weld y lluniau.

Thema ‘Hindwaeth’

Bu disgyblion bl 2 a 3 yn dilyn thema Hindwaeth gyda Mrs Pari, gan ddysgu am grefydd gwahanol i Gristnogaeth. Daeth nain Lili a llawer o ddillad ac arteffactau o India i ddangos i’r plant.

Cliciwch yma i weld mwy o luniau o weithgareddau’r thema.

Casglu arian tuag at elusen ‘Epilepsy’

Ar gais y Cyngor Ysgol, daeth Catrin Davies o ysgol Cymerau i siarad gyda plant yr ysgol am ei phrofiad yn torri ei gwallt hir (40cm) ar raglen Heno, S4C. Bydd gwallt Catrin yn cael ei ddefnyddio i greu wig ar gyfer cronfa ‘Little Princess trust’. Yn ogystal, roedd Catrin yn codi arian tuag at elusen ‘Epilepsy’. Er mwyn helpu Catrin i godi mwy o arian, penderfynodd y Cyngor Ysgol drefnu diwrnod ‘gwalltiau gwirion’. Daeth yr holl staff a disgyblion i’r ysgol wedi lliwio eu gwalltiau, neu yn gwisgo wig doniol. Codwyd swm anhygoel o £61.03.

Coginio Samosas

Fel rhan o thema Hindwaeth y dosbarth, bu’r plant yn brysur yn coginio Samosas llysieuol iachus. Blasus iawn!

Cliciwch yma i weld y lluniau.

Plas Menai

Bu plant blwyddyn 2 a 3 ym Mhlas Menai yn ymwneud ag anturiaethau dwr. Bu iddynt 'padyl fyrddio’, caiacio a chyd-weithio fel tîm, heb sôn am neidio i'r Fenai!

Cliciwch yma i weld y lluniau.

Trip i Pili Palas

Aeth dosbarth blwyddyn Derbyn ac 1 i Pili Palas fel trip ysgol eleni. Bu i bawb gael diwrnod i'r brenin yn dysgu gwybodaeth newydd am drychfilod a chael cyfle i afael mewn rhai anifeiliaid dychrynllyd iawn!!

Cliciwch yma i weld mwy o luniau.

Mabolgampau a Ffair Haf

Nos Iau, Gorffennaf 13eg

Ar gae yr ysgol

Mabolgampau’r ysgol yn cychwyn am 5:00yh a’r Ffair Haf am 6:30yh

Cliciwch yma i weld mwy o wybodaeth

Gwerthu letys
Bu plant blwyddyn 2 a 3 yn codi letys o ardd yr ysgol yn ddiweddar. Bu i griw mentergarwch 'Menter Morfa' eu gwerthu wrth giat yr ysgol i rieni a chyfeillion yr ysgol. Cliciwch yma i weld y lluniau.

Garddio yn y pentref
Yn dilyn syniad arbennig y cyngor ysgol i gyfrannu at harddwch y pentref y pentref, bu disgyblion blwyddyn 2 a 3 yn plannu blodau gyda aelodau o glwb garddio y pentref. Cliciwch yma i weld lluniau.

Ras trawsgwlad y Faenol
Bu i bedwar plentyn o flwyddyn 3 gystadlu yn 'Ras y Faenol' eleni - Cian Jones, Caio Griffiths, Cadi Midwood a Ioan Davies. Rhedodd bob un gan wneud eu gorau glas! Maent wedi bod yn ymarfer yn ddyddiol yn yr ysgol yn ystod amseroedd chwarae gan amseru i ddatblygu eu cyflymder.

Perfformio yn Pontio
Cafodd disgyblion blwyddyn 2 a 3 wahoddiad i ganu yn seremoni gwobrwyo myfyrwyr TAR y bifysgol. Ms Williams oedd y siaradwr gwadd ar y diwrnod. Bu i bawb fwynhau perfformiad y plant.

Casglu arian at y Bad Achub
Penderfynodd y Cyngor Ysgol gefnogi y diwrnod casglu arian at y Bad Achub ym mis Mai. Talodd holl blant yr ysgol £1 er mwyn cael dod i'r ysgol mewn dillad yr Haf. Casglwyd £50.25. Gwych! Diolch i'r rhieni a staff yr ysgol am gefnogi.

Athletau yr Urdd
Llongyfarchiadau i dîm yr ysgol am ddod yn drydydd yn ras gyfnewid cymysg blwyddyn 3 yn athletau'r Urdd. Gwych!

Wythnos Gerdded i'r ysgol Mai 2017

Penderfynodd y Cyngor Ysgol gefnogi wythnos gerdded i'r ysgol unwaith eto gan annog plant yr ysgol a'r rhieni i gerdded i'r ysgol bob bore a cherdded adref o'r ysgol bob prynhawn. Cliciwch yma i weld lluniau o'r plant oedd wedi ymdrechu gyda'u tystysgrifau.

Athletau yr Urdd
Llongyfarchiadau i Cian, Cadi, Ania ac Eiri o flwyddyn 3 am eu llwyddiant yn athletau yr Urdd yr wythnos hon. Llwyddodd y tîm i gael trydydd yn y ras gyfnewid. Da iawn chi! Cliciwch yma i weld mwy o luniau.

Gwobr Addysgu Proffesiyniol Cymru
Cynhaliwyd gwobrau addysgu proffesiynol Cymru am y tro cyntaf eleni yn Neuadd y Ddinas, Caerdydd, dydd Sul, 7fed o Fai 2017. Enwebwyd Nia Wyn Williams am wobr Pennaeth y flwyddyn gan gadeirydd llywodraethwyr yr ysgol. Llwyddodd i gyrraedd y rownd derfynol a mynychu’r seremoni wobrwyo. Llongyfarchiadau mawr iddi am gyrraedd yr ail safle. Mae Llywodraethwyr , staff a rhieni’r ysgol yn falch iawn o’i llwyddiant ac yn ei llongyfarch.
Professional Teaching Awards Cymru

Cliciwch yma i weld fidio o'r enwebiad

Diogelwch y Wê
Daeth PC Owen i'r ysgol i ddysgu'r plant am bwysigrwydd bod yn ddiogel ar y wê. Gwyliodd y plant gartwn difyr oedd yn llawn negeseuon pwysig! Cofiwch am wefan ‘schoolbeat’ ble mae llawer o gemau i atgoffa eich plentyn am y negeseuon hyn sydd yn cael eu rhannu gan PC Owen. Mae linc i’r wefan ac i’r gemau ar gael yn adran y rhieni ac adran y plant ar y wefan hon.

Gweithgareddau'r Ganolfan Hamdden
Mae Blwyddyn 2 a 3 yn cael amrywiaeth o sgiliau yn y Ganolfan Hamdden y Tymor hwn gan gynnwys sgiliau achub bywyd yn y pwll nofio a dringo ar y wal ddringo. Cliciwch yma i weld lluniau ohonynt yn gweithio yn galed iawn ac yn dysgu sgiliau hynod o bwysig! Bydd lluniau newydd yn cael eu hychwanegu bob wythnos.

Clwb Misol

Llongyfarchiadau i Colin Jones, tad Guto o flwyddyn 1 am ennill clwb misol mis Mai gyda rhif 6.

Gwobrau Nofio

Llongyfarchiadau i'r plant hyn am dderbyn gwobr sgiliau dwr gradd 1, gradd 2 a gradd 3 yn ystod y tymor. Da iawn chi!

Presenoldeb tymor y Pasg 2017

Llongyfarchiadau i'r disgyblion hyn am lwyddo i fod yn bresennol yn yr ysgol bob dydd yn ystod tymor y Pasg. Llwyddodd Connan Wray o flwyddyn 1 ac Efan Hughes o flwyddyn 2 i dderbyn tystysgrif am bresenoldeb llawn ers mis Medi. Arbennig!

Munud y dydd blwyddyn 3

Llongyfarchiadau i'r plant yma am lwyddo i ddefnyddio dull munud y dydd i ddysgu tabl 3.

Munud y dydd blwyddyn 2

Llongyfarchiadau i'r plant yma am lwyddo i ddefnyddio dull munud y dydd i ddysgu tabl 5.

Bagiwch a biniwch!

Daeth Jonathan Neale, Swyddog Trefi Taclus a'r Cynghorydd Sian Hughes i'r ysgol i longyfarch tri plentyn am lwyddo i greu poster 'baw ci'. Bydd y posteri yn cael eu harddangos o gwmpas y pentref er mwyn i bawb fod yn ymwybodol bod angen cadw'r pentref yn lan ac yn daclus.

Eisteddfod yr Urdd Eryri

Llongyfarchiadau i'r tri disgybl yma a lwyddodd i gyrraedd y llwyfan yn Eisteddfod yr Urdd Eryri eleni. Da iawn chi!

Felin Uchaf

Gan bod dosbarth blwyddyn Derbyn ac 1 yn dysgu am gartrefi amrywiol o fewn eu thema y tymor hwn, bu iddynt ymweld â Felin Uchaf, Rhoshirwaun i weld y tai crwn Celtaidd. Roedd yr ymweliad yn arbennig a dysgodd y plant llawer o wybodaeth am y Celtiaid yn ogystal a chael cyfle i gymharu y tai crwn gyda ein cartrefi ni heddiw. Diolch i griw Felin Uchaf am y croeso cynnes! Cliciwch yma i weld y lluniau.

Trwynau Coch

Trefnodd y Cyngor ysgol ddiwrnod 'doniol' iawn Dydd Gwener y 24ain o Fawrth, 2017 sef diwrnod 'Trwynau Coch' (Comic relief). Bu i'r plant a'r staff wisgo i fyny yn ddoniol iawn! Gwisgodd rhai fel clown, wigiau doniol a rhai o'r genod yn gwisgo I fyny fel hogiau a'r hogiau yn gwisgo i fyny fel genod! Cawsom brynhawn difyr yn dweud jocs ac adrodd straeon digri! Talodd Ms Williams arian i'r plant fod yn dawel am 2 funud!!! Yna, am 3 o'r gloch gwerthodd y plant gacennau trwynau coch wrth giat yr ysgol. Codwyd swm o £111.50 at yr achos. Diolch i bawb am gyfrannu i godi arian at achos da! Cliciwch yma i weld y lluniau

Baner Cymru

Ar gais y Cyngor ysgol, daeth Dewi Pws i'r ysgol i godi ein baner Cymru newydd sydd ar dîr yr ysgol. Ymunodd y rhieni ar ddiwedd y dydd wrth ei wylio yn torri y ruban a chodi y faner yn uchel. Canodd bawb Hen Wlad fy Nhadau. Cliciwch yma i weld lluniau a fidio.

Noson wobrwyo Estyn

Gwahoddwyd Pennaeth ac athrawes yr ysgol i noson wobrwyo gan Estyn yng Nghaerdydd ar y 9fed o Fawrth. Cynhaliwyd y noson i gydnabod rhagoriaeth mewn addysg yng Nghymru. Derbyniodd yr ysgol dystysgrif am dderbyn rhagoriaeth yn arolwg 2015-16. Rydym yn hynod o falch o'r llwyddiant hwn. Cliciwch yma i ddarllen 'llawlyfr noson wobrwyo Estyn' a darllen am lwyddiant ysgol Morfa Nefyn yn y ddogfen

Ymweld a Phlas Madryn

Cerddodd plant yr ysgol i Blas Madryn, Morfa Nefyn yn dilyn y cyngerdd Gwyl Ddewi i ganu caneuon traddodiadol cymreig a llefaru i'r henoed. Diolch yn fawr iddynt am y croeso cynnes a chacen fendigedig. Cliciwch yma i weld y lluniau.

Dydd Gwyl Dewi

Bum yn dysgu am Dewi Sant yn yr ysgol yr wythnos hon. Gwisgodd y plant wisg Cymreig neu ddillad o liwiau Cymreig i ddod i'r ysgol ac ymwneud a llawer o weithgareddau difyr. Ymunodd Dewi Pws gyda'r plant ar y llwyfan yn y cyngerdd Gwyl Ddewi i ganu llawer o ganeuon traddodiadol. Roedd y blant wrth eu bodd yn ei gwmni. Cliciwch yma i weld y lluniau.

Dydd Mawrth Crempog

Roedd y plant wrth eu boddau yn coginio crempogau blasus ar ddydd Mawrth ynyd. Bum yn ysgrifennu riseitiau a chanllawiau ar gyfer gwneud y crempogau cyn mynd ati i fesur a phwyso yn ofalus a chael hwyl yn eu coginio a'u blasu. Cliciwch yma i weld y lluniau.

O'r fferm i'r fforc

Bu dosbarth blwyddyn 2 a 3 a dosbarth derbyn ac 1 yn Tesco, Porthmadog yr wythnos hon. Dysgodd y plant sut oeddent yn pobi y bara cyn cael cyfle i flasu'r bara a chaws amrywiol. Cafodd y plant gwis i ddysgu gwybodaeth difyr am amrywiaeth o lysiau a ffrwythau a chyfle i gerdded i mewn i'r oergell a'r rhewgell!! Bu blwyddyn Derbyn ac 1 yn gweithio ar y 'tils'. Cliciwch yma i weld lluniau o'r ymweliad.

Gweithgareddau llyfrgell

Taith Gem ‘n’ Huw – Dydd Mawrth - Chwefror 21, 10.30 – 11.30. Stori a Hwyl i blant. Dewch i gyfarfod Gem ‘n’ Huw.
Bore Hwyl Bwystfilod Anhygoel – Dydd Iau - Chwefror 23, 11.00 – 12.00. Dewch i greu bwystfil eich hunan, celf mawr, hela’r bwystfil a llawer mwy.
Pared Dewi Sant – Dydd Sadwrn - Chwefror 25, Sesiwn paentio wynebau o 10y.b ymlaen ar fore’r Pared.
Betsan Brysur – Dydd Mawrth - Mawrth 7, 10.30 – 11.30. Stori a sbri i’r teulu oll efo Betsan Brysur.
Mari Gwilym – Dydd Sadwrn - Mawrth 18, 10.30 – 11.30. Hoff straeon Mari Gwilym – amser stori i blant 3-7 oed.

Cliciwch ar y posteri isod am fwy o wybodaeth

Ymweliad Dr Bee

Thema Gwyddoniaeth Blwyddyn 2 a 3 y tymor hwn yw 'Y corff'. Cafodd y plant y syniad o wahodd Dr Bee i'r ysgol i siarad am ei gwaith ac ateb cwestiynau a oeddent wedi eu darparu. Diolch yn fawr iddi am brynhawn diddorol llawn gwybodaeth difyr.

Canu gyda Dewi Pws

Daeth Dewi Pws i'r ysgol i ganu can pared Dewi Sant gyda'r disgyblion. Bydd y pared yn digwydd ym Mhwllheli ar y 25ain o Chwefror. Dewch yn llu! Cliciwch yma i weld lluniau ac i weld fidio o'r plant yn canu'r gan.

Bore yng nghwmni plant y cylch meithrin

Daeth plant cylch meithrin Morfa Nefyn am dro i'r ysgol gydag Anti Emma, Anti Eira ac Anti Bethan. Roedd y plant wrth eu boddau yn ymwneud â'r gweithgareddau amrywiol a phlant blwyddyn Derbyn ac 1 a phlant hynaf yr ysgol wedi mwynhau eu cwmni. Bore difyr iawn! Cliciwch yma i weld mwy o luniau

Owen Edwards

Daeth John Dilwyn Jones o’r archifdy yng Nghaernarfon i drafod celfi cegin Oes Owen Edwards. Dysgodd y plant am draddodiad golchi dillad a phwysigrwydd tân i goginio a sychu dillad. Cliciwch yma i weld mwy o luniau

Cofia ddweud. Cadwa’n ddiogel!

Daeth aelod o wasanaeth NSPCC i’r ysgol i rannu gwybodaeth bwysig gyda’r disgyblion ynglyn a bod yn ddiogel rhag niwed a sut i gael cymorth os oes ganddynt unrhyw bryderon. Os hoffech gael mwy o wybodaeth am y rhaglen ewch i wefan NSPCC sef nspcc.org.uk/schools

Santes Dwynwen

Bum yn dathlu diwrnod Santes Dwynwen yn yr ysgol ar y 25ain o Ionawr. Bu’r plant yn ymwneud â llawer o weithgareddau difyr gan gynnwys disgo Santes Dwynwen a gêm ‘Sion a Sian’ i gloi’r dydd. Llongyfarchiadau i Cian ac Ania o flwyddyn 3 am ennill y gêm. Gwisgodd y plant ddillad parti i ddod i’r ysgol gan dalu £1 yr un. Penderfynodd y Cyngor ysgol roi’r arian a gasglwyd tuag at elused CHD.

Cyngerdd Nadolig

Sinderela oedd ein sioe Nadolig eleni a chafwyd perfformiad arbennig gan y plant. Diolch i'r rhieni, staff yr ysgol ac aelodau o'r llywodraethwyr am eu cymorth. Mae DVD o'r cyngerdd ar gael i'w brynu yn yr ysgol am £5. Cliciwch yma i weld lluniau o'r plant yn perfformio.

Siarter iaith

Derbyniodd y Cyngor Ysgol dystysgrif 'gwobr aur' gan siarter iaith Gwynedd am eu hymroddiad o hybu'r Gymraeg yn yr ysgol, gyda rhieni a'r gymuned. Llongyfarchiadau!

Ymweld ag Amgueddfa Lloyd George

Bu plant blwyddyn 2 a 3 yn ymweld ag Amgueddfa Lloyd George ar Ddydd Iau, 24ain o Dachwedd i ddysgu am ddathliadau'r Nadolig yn Oes Fictoria. Bu iddynt ddysgu am yr ysgol a'r 'Welsh not'. Cawsom wneud pwdin Nadolig traddodiadol a chreu addurn Nadoligaidd i'w roi ar goeden Nadolig. Lwcus iawn! Diolch i'r staff i gyd am ddiwrnod diddorol tu hwnt! Cliciwch yma i weld y lluniau.

Adeiladu lloches i'r Draenog

Daeth Robert sydd yn gweithio i'r Ymddiriedolaeth Genedlaethol draw i'r ysgol i ynwneud â gweithgareddau tymor yr Hydref gyda plant blwyddyn Meithrin, Derbyn ac 1. Cawsom llawer o hwyl yn dysgu am yr anifeiliaid sydd yn cysgu dros y Gaeaf a bum yn brysur yn adeiladu ty i'r draenog bach. Cliciwch yma i weld mwy o luniau.

Plant mewn angen

Casglodd y Cyngor Ysgol £89.02 tuag at elusen plant mewn angen eleni. Bu i bawb dalu £1 i gael gwisgo dillad smotiog neu ddillad Pudsey i ddod i'r ysgol a bu'r plant yn addurno bisgedi i'w gwerthu. Cawsom gystadleuaeth gwneud llun o Pudsey. Dyma lun o'r ennillwyr sef un bachgen ac un merch o bob dosbarth gyda eu gwobr. Diolch i'r rhieni am eu cyfraniad. Cliciwch yma i weld yr holl luniau.

Ffair Nadolig

Diolch i bawb a ddaeth i gefnogi ein Ffair nadolig. Gwnaeth y gymdeithas rieni elw o £1186, swm arbennig! Diolch i rieni, staff yr ysgol ac aelodau o'r llywodraethwyr am helpu a diolch o galon i Sion Corn am alw draw i wrando ar y plant yn canu.

Clwb Dwylo Prysur

Mynychodd pawb o flwyddyn Derbyn ac 1 y clwb dwylo prysur yr wythnos hon, ble bum yn ymwneud â gweithgareddau difyr i ddatblygu sgiliau echddygol mân y plant. Rydym yn edrych ymlaen yn barod at weithgareddau yr wythnos nesaf. Cliciwch yma i weld lluniau o'r plant yn mwynhau y gweithgareddau. Cliciwch yma i weld yr holl luniau.

Dysgu am ddathliadau Diwali

Bu dosbarth blwyddyn Meithrin, Derbyn ac 1 yn dysgu am ddathliadau'r Diwali yr wythnos hon. Dysgom lawer o wybodaeth am India gan gymharu crefydd Hindwaeth gyda ein crefydd ni. Aethom ati i wneud gwaith map am India, darllen a deall gwybodaeth newydd, defnyddio sbeisys indiaidd i beintio patrymau rangoli ac addurno patrymau Mehndi gan ddefnyddio purplemash. Gwnaeth pawb lantern Diwali i fynd adref gyda hwy i ddysgu mai 'Gwyl y Goleuni' yw Diwali. Cliciwch yma i weld yr holl luniau.

Gweithgareddau'r Hydref ym Mhlas yn Rhiw

Bu disgyblion blwyddyn Derbyn a blwyddyn 1 ym Mhlas yn Rhiw yn cymryd rhan mewn gweithgareddau'r Hydref gyda Robert o'r Ymddiriedolaeth Genedlaethol. Cawsom ddiwrnod difyr yn dysgu am y tymhorau, am goed yr Hydref ac am yr anifeiliaid sydd yn cysgu yn ystod y Gaeaf. Roedd y gweithgareddau yn hynod o ddiddorol. Cliciwch yma i weld mwy o luniau.

Tatws!

O'r diwedd roedd y tatws yn barod! Ar ol Gaeaf caled nid oedd y tatws yn barod ym mis Gorffennaf eleni fel y llysiau eraill. Ond erbyn mis Medi roeddent yn barod i gael eu codi o'r pridd. Cliciwch yma i weld lluniau o blant blwyddyn 2 a 3 wrthi'n brysur yng ngardd yr ysgol ac yn gwerthu'r tatws i rieni.

Sialens ddarllen yr Haf

Dyma lun o bawb a lwyddodd yn sialens ddarllen yr Haf eleni. Cafodd bawb oedd wedi mynychu'r llyfrgell i ddarllen 6 llyfr yn ystod gwyliau'r Haf dystysgrif a medal i'w llongyfarch. Da iawn chi!

Gwobr ansawdd Ysgol iach

Mae'r ysgol bellach wedi derbyn gwobr ansawdd gan gynllun ysgolion iach Gwynedd am ein gwaith caled i sicrhau ein bod yn ysgol iach. Cafodd yr ysgol asesiad ym mis Gorffennaf 2016 cyn derbyn y wobr. Daeth Keith Parry, Swyddog Addysg ardal Dwyfor ac Ann Hughes sydd yn gweithio i gynllun ysgolion iach Gwynedd i'r ysgol i gyflwyno y plac newydd. Cawsom fore difyr yn gwrando ar Gareth Davies yn siarad am ei brofiad yn rhedeg marathon Paris 2015. Ymunodd gyda'r plant ar y cae i redeg milltir yn y 'Clwb dal i fynd'.

Diwrnod Owain Glyndŵr

Bum yn dathlu diwrnod Owain Glyndŵr yr wythnos hon, i gofio fod yr arwr wedi ei gyhoeddi yn Dywysog Cymru ar 16eg o Fedi 1400. Daeth pawb i'r ysgol mewn gwisg oedd yn cynrychioli lliwiau Cymru a bum yn dathlu ein cymreictod a dysgu am ein harwr drwy ymwneud â llawer o weithgareddau difyr yn ystod y dydd.

Presenoldeb

Dyma lun dau ddisgybl a lwyddodd i gael presenoldeb o 100% yn ystod y flwyddyn academaidd 2015-16. Mae hyn yn arbennig! Derbyniodd y ddau wobr gwerthfawr i ddathlu eu llwyddiant.

Cerdded i'r ysgol

Dyma luniau o'r disgyblion oedd wedi cerdded i'r ysgol o leiaf tair gwaith yr wythnos yn ystod tymor yr Haf 2016. Ymdrech arbennig a diolch i'w rhieni am gefnogi'r cynllun.

Coeden Gellygen

Hoffai plant a staff yr ysgol ddymuno pob lwc i’r ddwy ddisgybl yma yn eu hysgol newydd. Diolch i’r ddwy ohonynt am y goeden gellygen sydd bellach wedi ei phlannu yn ardd yr ysgol.

Y ddawns diwedd Tymor

Cliciwch yma i weld lluniau o’r ddawns diwedd tymor a gynhaliwyd yng Nghanolfan y Pentref gan y gymdeithas rieni. Roedd pawb werth eu gweld yn eu dilladau crant wrth ffarwelio â Blwyddyn 3. Cliciwch yma i weld y lluniau.

Rhaglen ‘Astra’

Llongyfarchiadau i’r 4 plentyn yma a gafodd eu dewis i fynd ar raglen newydd Cyw o’r enw Astra. Cafodd y 4 ohonynt fore difyr yn ffilmio yn Cibyn Caernarfon.

Sialens ddarllen yr Haf

Bu Nia o’r Llyfrgell draw yn yr ysgol yn cyflwyno Sialens ddarllen yr Haf i’r plant. Enw’r sialens eleni yw ‘Darllen Mawr Direidus’ gan bod y llyfrgelloedd yn dathlu canmlwyddiant Roald Dahl. Bydd bob plentyn sydd yn mynychu’r llyfrgell dair gwaith yn ystod gwyliau’r Haf a benthyg 6 llyfr yn derbyn tystysgrif a medal. Ewch ati i ddarllen yn ystod y gwyliau!

Gweithgareddau ar y traeth

Ymunodd holl ddisgyblion yr ysgol gyda Laura, Robert a Fred o’r ymddiriedolaeth i ymwneud â llawer o weithgareddau difyr ar y traeth. Yn y bore, bum yn dysgu am adar sydd yn ymweld â’r traeth ac yn casglu bywyd gwyllt o’r pyllau dwr. Yn y prynhawn ymunodd y plant meithrin yn yr hwyl. Cafodd pawb doddi ‘marshmallows’ a chreu popcorn o flaen y tân a chwarae gemau amrywiol. Daeth môr-leidr caredig i gyfarfod y plant i ganu caneuon difyr oedd yn llawn hanesion am ei fywyd ar y môr. Cliciwch yma i weld lluniau o bawb yn mwynhau.

Diwrnod Môr-ladron

Wrth gyrraedd diwedd y tymor a diwedd thema môr-ladron daeth plant blwyddyn Meithrin, Derbyn ac 1 i’r ysgol wedi gwisgo fel môr-ladron. Cafodd pawb flasu ffrwythau trofannol amrywiol gan gynnwys pinafal a mango cyn eu defnyddio i greu diod trofannol blasus. Yn yr ardal hydrin, bu’r plant yn defnyddio jeli glas ac orennau i wneud llongau môr-ladron ac yn yr ardal dwylo prysur bu iddynt greu mwclis gan ddefnyddio ‘cheerios’. Aeth pawb ati i wneud map trysor gan farcio ble mae’r trysor yn cuddio gyda chroes goch. Cliciwch yma i weld y lluniau.

Casglu sbwriel ar y traeth

Fel rhan o thema ‘llygredd ac ailgylchu’ mewn gwersi Gwyddoniaeth, bu Blwyddyn 2 a 3 yn casglu sbwriel ar y traeth ym Morfa Nefyn gyda Catrin Glyn o gadwraeth arfordir Llyn a’r Sarnau. Yn ein gwersi y tymor hwn rydym wedi bod yn dysgu am effaith llygredd ar ein hamgylchedd gan gynnwys creaduriaid y môr. Llwyddom i gasglu llawer o sbwriel ar y traeth. Cliciwch yma i weld y lluniau.

Lois Llywelyn

Daeth Lois Llywelyn i’r ysgol i ddangos y fedal ddrama a dderbyniodd yn Eisteddfod Genedlaethol yr Urdd Sir y Fflint 2016. Mae Lois yn gyn-ddisgybl yn Ysgol Morfa sydd bellach yn 18 oed ac yn fyfyrwraig Lefel A yng Ngholeg Meirion-Dwyfor. Bu’n siarad efo’r disgyblion am ddylanwad ei haddysg a’r iaith Gymraeg ar ei llwyddiant. Cliciwch yma i weld y lluniau.

Plas Heli

Bu Blwyddyn 3 yn Mhlas Heli ym Mhwllheli yn dysgu sgiliau hwylio. Er y tywydd gwlyb, cawsom ddiwrnod i’r brenin. Cliciwch yma i weld y lluniau.

Crys Newydd Alun yr Arth

Hoffai Alun yr Arth ddiolch i Cynan, Enfys a Caio am ei grys Cymru newydd. Mae'n edrych ymlaen yn arw i'w wisgo i gefnogi ein gwlad nos Fercher. Pob lwc Cymru!

Gwaith Celf ar y Traeth

Bu Blwyddyn Derbyn ac 1 ar y traeth ym Morfa Nefyn yn gwneud gweithgareddau Celf. Rydym wedi bod yn dysgu am waith yr artist Andy Goldsworthy yn y dosbarth a bum yn efelychu ei waith drwy ddefnyddio amrywiaeth o bethau naturiol oedd i'w gael ar y traeth i greu lluniau a phatrymau. Cliciwch yma i weld y lluniau.

Trip ysgol

Bum yn Sw Môr Môn fel trip ysgol diwedd blwyddyn gan fod y ddau ddosbarth wedi bod yn dysgu am greaduriaid y môr yn ystod tymor yr Haf. Cawsom ddiwrnod hynod o ddifyr yn gweld amrywiaeth o greaduriaid gwahanol gan ddysgu gwybodaeth newydd am bob un. Cliciwch yma i weld y lluniau.

Gwerthu Llysiau

Wel roedd y clwb garddio yn llwyddiant eto eleni a'r cynnyrch wedi tyfu yn arbennig! Bu Blwyddyn 2 a 3 yn codi'r letys yr wythnos hon a Menter Morfa, cwmni busnes blwyddyn 3, yn eu gwerthu i rieni yn y giat. Byddwn yn defnyddio'r elw i brynu mwy o hadau a llysiau yn y clwb garddio y flwyddyn nesaf. Cliciwch yma i weld y lluniau.

Patrobas

Cawsom y pleser o groesawu grwp Patrobas i’r ysgol heddiw i ganu amrywiaeth o ganeuon Cymraeg gan gynnwys ‘Fflat Huw Puw’. Ymunodd y rhieni yn yr hwyl. Gan fod Carwyn sydd yn chwarae’r drymiau i’r grwp yn gyn-ddisgybl yn yr Ysgol roedd y Cyngor Ysgol wedi ei ebostio yn gofyn iddo ddod i’r ysgol. Yn ystod y prynhawn bum yn edrych ar luniau a fidios o Carwyn yn fachgen ifanc yn ysgol Morfa yn perfformio ar y llwyfan mewn cyngherddau. Edrychom hefyd ar DVD ohono yn actio mewn cyfres deledu a rhaglen ‘Cyw’. Siaradodd am ei yrfa fel cerddor erbyn hyn a’i fryd i fod yn dechnegydd. Mae hyn i gyd yn profi ei fod yn gallu cynnal ei fywoliaeth fel perfformiwr yn yr iaith Gymraeg. Yn ogystal, bu i Yestin Tyne ddod a’i goron a ennillodd am ysgrifennu rhyddiaith yn Eisteddfod yr Urdd y Fflint eleni. Cliciwch yma i weld lluniau o bawb yn mwynhau.

Rhedeg noddedig

Diolch yn fawr i bawb a ddaeth i gefnogi’r ysgol drwy ymuno yn y rhedeg noddedig ar draeth Morfa Nefyn. Roedd pawb wedi gwneud ymdrech arbennig i wisgo gwisg ffansi! Trefnodd yr ysgol y ras noddedig i gasglu arian ar gyfer gallu prynu mwy o offer cyfrifiadurol i’r dosbarthiadau. Cliciwch yma i weld lluniau o wisgoedd ffansi bob teulu. Gwych!

Ailgylchu

Bu Gwenllian, swyddog ailgylchu draw yn yr ysgol yn dysgu am bwysigrwydd ailgylchu gyda disgyblion Blwyddyn 2 a 3. Maent wedi bod yn dysgu am effaith llygredd ar ein hamgylchedd mewn gwersi Gwyddoniaeth y tymor hwn, gan bwysleisio fod llygredd yn cael effaith ddifrifol ar greaduriaid y mor. Cliciwch yma i weld lluniau o’r gweithgareddau difyr.

Siarter iaith

Bu i’r Cyngor Ysgol roi cyflwyniad ‘Siarter iaith’ i rieni yr wythnos hon. Yn y cyflwyniad roeddent yn pwysleisio pa mor lwcus ydym ni o gael dwy iaith. Dwy iaith...dwywaith y dewis! Dangosodd y Cyngor luniau o’n gweithgareddau yn yr ysgol eleni sydd wedi datblygu yr iaith Gymraeg ymhellach.

Kerbcraft

Daeth Catrin, Swyddog Diogelwch y ffyrdd i’r ysgol i ymwneud a chynllun kerbcraft gyda’r plant. H.y. Dysgu’r plant am reolau’r ffordd fawr gan fynd a hwy allan i’r pentref a sgiliau pwysig. Cliciwch yma i weld lluniau.

Gwyl Fwyd Mor Porthdinllaen

Cynhaliwyd y Gwyl Fwyd Mor eto eleni yn nhraeth Porthdinllaen. Gwahoddwyd y plant i agor y diwrnod a chanu caneuon traddodiadol am y mor. Canmolwyd eu hymdrech a mynegodd ambell un mae’r plant oedd uchafbwynt y dydd. Casglodd y Gymdeithas rieni £154.60 drwy werthu cacannau ar y diwrnod. Cliciwch yma i weld y lluniau.

Cyswllt gyda'r Cylch Meithrin

Bu plant Blwyddyn Derbyn ac 1 am dro i'r Cylch meithrin i gyd-chwarae unwaith eto gyda'r plant. Hoffem ddiolch yn fawr am y croeso cynnes a gawsom gan y staff a'r plant yn ystod y bore. Bu i blant yr ysgol ymuno yn sesiwn 'amser cylch', sesiwn canu a gweithgareddau ardaloedd dysgu y cylch meithrin. Roedd pawb wedi mwynhau yn arw a cawsom dreulio ychydig o amser yn y parc cyn cerdded yn ôl i'r Ysgol. Cliciwch yma i weld lluniau o weithgareddau'r bore. Rydym yn edrych ymlaen i groesawu'r plant newydd i'r ysgol yr wythnos nesaf yn ystod y diwrnod trosglwyddo dosbarthiadau.

Gwasanaeth

Bu Nia Williams yn yr ysgol yn darllen stori o'r Beibl i'r plant. Cafodd y plant gyfle i chwarae rol i wneud y stori yn fyw wrth ddysgu am bwysigrwydd 'maddau'. Daeth a Lewis ei ffrind gyda hi, roedd y plant wrth eu boddau!

Clwb garddio Blwyddyn Derbyn ac 1

Diolch yn fawr i'r holl rieni a ddaeth a hen esgidiau glaw i'r ysgol ar gyfer y Clwb garddio. Cawsom llawer o hwyl yn plannu blodau lliwgar ynddynt i addurno ein hardal tu allan. Bum yn peintio cerrig i greu trychfilod lliwgar ac yn addurno darnau o goed. Cliciwch yma i weld lluniau o weithgareddau'r clwb garddio, gan gynnwys y potiau berw dwr fydd yn gwneud i wynebau y plant edrych yn ddigri iawn ar ol tyfu!

Y Clwb garddio

Roedd y Clwb garddio yn llwyddiannus iawn eto eleni. Mynychodd bob plentyn o flwyddyn 2 a 3 i ddysgu sgiliau garddio newydd gan gynnwys palu, chwynnu a phlannu. Rydym wedi plannu blodau lliwgar i wneud yr ardal tu allan yn ddeiniadol ac wedi plannu llysiau amrywiol. Cliciwch yma i weld lluniau o’r gwaith caled!

Wythnos gerdded i’r ysgol Mai 2016

Gwahoddwyd Carys Ofalus draw i’r ysgol unwaith eto gan y Cyngor Ysgol. Bu iddi atgoffa’r plant o reolau’r ffordd fawr cyn i’r cyngor ysgol eu hannog i gerdded i’r ysgol bob dydd. Cerddodd holl staff yr ysgol, y disgyblion a swyddog diogelwch y ffordd daith fer o amgylch y pentref i’r ysgol fore Llun i annog pawb i barhau yn ystod y tymor. Cafodd pawb frecwast blasus ac iachus ar ol cyrraedd yn ol i’r ysgol. Bydd y Cyngor Ysgol yn cadw cofrestr o bawb sydd yn cerdded i’r ysgol bob dydd ac yn gwobrwyo ar ddiwedd y tymor. Cliciwch yma i weld lluniau o’r bore cyntaf.

Bore yng Nghwmni plant y Cylch meithrin

Daeth plant y cylch meithrin am dro i’r ysgol gyda Anti Emma, Anti Eira ac Anti Bethan. Treuliodd y plant y bore yn nosbarth Miss Ferris gyda plant blwyddyn Derbyn ac 1 yn cyd-chwarae yn yr ardaloedd dysgu tu fewn a thu allan i’r dosbarth. Cliciwch yma i weld lluniau o’r bore difyr!

Gala nofio

Dydd Gwener, 15ed o Ebrill, mynychodd saith o ddigyblion Blwyddyn 2 a 3 y gala nofio yn y Ganolfan Hamdden. Roeddent yn cynrychioli Ysgol Morfa Nefyn a hoffwn longyfarch bob un ohonynt am gystadlu a rhoi o’u gorau.

Presenoldeb Tymor y Pasg

Llongyfarchiadau i'r holl ddisgyblion yn y llun hwn am gael canran presenoldeb 100% drwy fynychu'r ysgol bob dydd yn ystod Tymor y Pasg! Da iawn chi!

Eisteddfod

Dyma lun tri plentyn oedd yn llwyddiannus yn Eisteddfod Sir Eryri ym Mangor ym mis Mawrth. Llongyfarchiadau mawr iddynt a phob lwc i Eiri yn Eisteddfod Genedlaethol yr Urdd yn Fflint.

Coleg y Bala

Cafodd plant yr ysgol ddiwrnod arbennig yng Ngholeg y Bala. Buom yn dysgu am stori'r Pasg ac ymwneud a llawer o weithgareddau difyr ac ymarferol. Diwrnod gwerth chweil!

Cliciwch yma i gael blas o'r diwrnod.

Rhaglen Cyw

Daeth Elain Llwyd o gwmni Antena, Cibyn, Caernarfon i gynnal gweithdy gyda phlant blwyddyn 2 a 3. Bydd hi yn dewis 4 plentyn o ysgolion drwy Gymru i ffilmio rhaglen newydd sbon gan Cyw. Pob lwc i bawb!

Cliciwch yma i weld lluniau o'r gweithdy.

Diwrnod Dim Ysmygu

Roedd Dydd Mawrth, 9fed o Fawrth yn ddiwrnod ‘Dim ysmygu’. Bu Blwyddyn 2 a 3 yn dysgu am beryglon ysmygu a’i effaith ar y corff. Aethant ati i lunio posteri i atgoffa’r gymuned am bwysigrwydd peidio ysmygu. Gan ein bod yn ‘ysgol iach’, mae’r plant wedi arddangos rhai o’r posteri yng ngiatiau’r ysgol.

Anno's Affrica

Yn dilyn gwisgo coch ar ddydd Gwyl Dewi i gasglu arian, cyflwynodd y Cyngor Ysgol siec o £41 i elusen Anno's Affrica. Daeth Joy Brown i'r ysgol i dderbyn y siec. Bydd yr arian yn cael ei ddefnyddio i brynu dillad ysgol ar gyfer plentyn yn y 'slums' yn Affrica.

Fu’s yng Nghaernarfon

Fel rhan o thema Blwyddyn newydd Tseina, bu plant blwyddyn Derbyn, 1,2 a 3 yn Fu’s yng Nghaernarfon. Bwyty Tseiniaidd yw Fu’s a cafodd y plant ginio bendigedig yn blasu bwydydd Tseiniaidd amrywiol. Gwelodd y plant y cogyddion yn y gegin yn paratoi’r bwyd a dysgodd perchennog y bwyty iddynt sut oedd defnyddio ‘chopsticks’. Cawsom llawer o hwyl yn trio eu defnyddio wrth fwyta llond ein boliau! Cliciwch yma am fwy o luniau.

Diwrnod y Llyfr

Gwisgodd plant Blwyddyn 2 a 3 fel cymeriad o chwedl gymreig i ddod i’r ysgol a phlant blynyddoedd meithrin, derbyn ac 1 fel cymeriad o’i hoff lyfr. Cawsom sioe ffasiynau yn y caban ble roedd pawb yn trafod eu cymeriad a’r stori cyn mynd ati yn y dosbarth i ysgrifennu am ein cymeriadau. Cliciwch yma i weld y lluniau.

Dydd Gwyl Dewi

Gwisgodd y plant wisg cymreig I ddod i'r ysgol I ddathlu Dydd Gwyl Dewi. Bum yn gwrando ar straeon am Dewi Sant, yn ymwneud a gwaith celf a dysgu ei neges bwysig sef “gwnewch y pethau bychain”. Cawsom eisteddfod Gwyl Ddewi yn y Ganolfan ble bu’r disgyblion yn canu caneuon traddodiadol cymreig ac yn llefaru i’w rhieni a’r gymuned. Cafodd bawb gacen gri a phaned. Cliciwch yma i weld y lluniau.

Gwasanaeth Tan

Bu Lance o’r gwasanaeth tan yn yr ysgol yn trafod diogelwch tan gyda’r disgyblion. Dysgodd bawb am stori cymeriad o’r enw Tanni yn rhoi y ty ar dan mewn damwain. Bum yn edrych ar amrywiaeth o luniau o ystafelloedd ein cartrefi gan geisio adnabod y perygl ymhob llun. Cafodd rhai o’r plant wisgo dillad dyn tan. Cliciwch yma am fwy o luniau.

Siarter iaith

Cafodd y plant brynhawn arbennig yng nghwmni Gwilym Bowen Rhys yn canu caneuon gwerin cymreig. Roedd pawb wrth eu boddau yn canu ac yn dawnsio. Bydd Gwilym yn y pared Dewi Sant ym Mhwllheli ddydd Sadwrn. Bydd y plant yn cael cyfle i gymryd rhan yn y pared i ddathlu Gwyl Ddewi cyn ymuno gydag ef ar y llwyfan i ganu.

Prosiect Gwellt y môr

Bu plant yr ysgol yn treulio diwrnod ar y traeth ym Mhorthdinllaen gyda aelodau o brosiect ‘Gwellt y môr’. Bwriad y cynllun yw ennill cystadleuaeth er mwyn cael creu gweithgareddau ar y traethau lleol i hybu ymwybyddiaeth plant ifanc am fywyd y môr. Dewiswyd plant ysgol Morfa i gael eu ffilmio gan gwmni ITV i greu hysbyseb ar gyfer y gystadleuaeth. Pob lwc i’r prosiect a diolch am ddiwrnod llawn hwyl ar y traeth. Cliciwch yma i weld y lluniau.

Elusen CHD

Cefnogodd yr ysgol elusen CHD eto eleni. Penderfynodd y Cyngor Ysgol ofyn i bob plentyn gyfrannu £1.50 i gael gwisgo dillad coch neu ddillad gyda chalonau arnynt i ddod i’r ysgol. Yn ystod y dydd, bum yn coginio crempogau siap calon ac yn dyfalu enw’r ci bach tegan. Dyma lun o’r plentyn oedd wedi llwyddo i ddyfalu mai Twm oedd enw’r ci. Bu rhaglen S4C yn yr ysgol yn ffilmio’r plant yn cynnal y gweithgareddau i godi arian a roeddent ar ‘Newyddion 9’ y noson honno. Cliciwch yma i weld lluniau o’r gweithgareddau a cofiwch fynd i raglen ‘S4C Clic’ i wylio’r rhaglen. Cliciwch yma i weld y lluniau.

PC Owen

Bu PC Owen yn yr ysgol yn sgwrsio gyda’r plant am ei waith. Trafodwyd ‘Diogelwch y We’ gyda blynyddoedd 2 a 3 a phwysigrwydd “Paid cyffwrdd Dweud” gyda sylweddau gyda blwyddyn Meithrin, Derbyn ac 1.

Y Fari Lwyd

Bu Mair Tomos Ifans draw yn yr ysgol yn dysgu'r plant am draddodiadau cymreig y Flwyddyn Newydd. Cawsom ddiwrnod llawn hwyl o greu'r Fari Lwyd gyda rubannau lliwgar, dysgu am ei hanesion a dysgu caneuon newydd. Ar ddiwedd y prynhawn, daeth y rhieni ar iard yr ysgol i weld y plant yn perfformio gyda'r Fari Lwyd. Mae'r thema wedi cael ei pharhau yn nosbarth Blwyddyn 2 a 3 gyda llawer o weithgareddau llythrennedd a rhifedd amrywiol. Cliciwch yma i weld y lluniau!

Nadolig Oes Fictoria

Bum yn Amgueddfa Lloyd George yn Llanystumdwy yn dysgu am Nadolig yn Oes Fictoria ac yn gwisgo fel plant oedd yn byw yn y cyfnod. Cafodd y plant gyfle i wneud pwdin Nadolig yn y gegin yn hen gartref Lloyd George a dysgu y gwahaniaeth rhwng ein cartref ni heddiw a chartrefi ers talwm. Bu i bawb fynychu yr hen ysgol a aethom ati i greu addurniadau Nadolig Oes Fictoria gyda'r athrawes. Diwrnod llawn profiadau a hwyl! Cliciwch yma i weld y lluniau!

Cystadleuaeth Gymnasteg 2015

Diolch i'r tim gymnasteg eleni am gynrychioli'r ysgol yn y gystaldeuaeth yng Nghaernarfon. Roedd y saith ohonynt yn arbennig o dda, ac maent wedi gweithio yn galed iawn yn ystod y tymor hwn i ymarfer gan fynychu clwb ar ol ysgol ddwywaith yr wythnos! Derbyniodd bob un ohonynt dystysgrif am eu llwyddiant. Cliciwch yma I weld lluniau ohonynt yn y gystaleuaeth.

Plant mewn Angen

Diolch i bawb am gyfrannu mor hael tuag at gronfa plant mewn angen eto eleni. Llwyddodd yr ysgol i gasglu cyfanswm o £110.66. Gwych! Daeth pawb i’r ysgol wedi gwisgo fel eu harwyr/arwres. Gwnaeth bawb lun o’i arwyr ar gyfer y gystadleuaeth ac ysgrifennodd Blwyddyn 2 a 3 ddisgrifiad ohono/ ohoni.

Gwobrwyo Siarter Iaith

Bu Cyngor Ysgol Morfa Nefyn mewn seremoni gwobrwyo siarter iaith yn Ysgol Glan y Mor. Derbyniodd yr ysgol wobr aur am eu gwaith caled i ddatblygu'r siarter iaith Gymraeg yn yr ysgol. Da iawn!

Llyfrgell

Llongyfarchiadau i’r plant sydd wedi llwyddo i gwblhau sialens Darllen yr Haf - ‘Torri pob record’ yn y Llyfrgell leol dros yr haf. Er mwyn llwyddo, roedd angen i bawb fynychu’r llyfrgell dair gwaith yn ystot gwyliau’r Haf a darllen chew llyfr. Derbyniodd y plant dystysgrif a medal a daeth Dewi Wyn i’r ysgol i dynnu eu lluniau ar gyfer y papur lleol.

Gwasanaeth Diolchgarwch

Codwyd swm anhygoel o £301.14 ar gyfer elusen ‘Mwy o arian at dlodi’ yn y Gwasanaeth Diolchgarwch eleni. Gwnaeth y plant fuwch gan ddefnyddio carton llefrith ac aethant a hi adref i gasglu arian ynddi fel cadw-mi-gei. Mae hyn yn ddigon o arian i brynu dwy fuwch ar gyfer teulu tlawd yn Affrica. Diolch i bawb am eu cyfraniad. Mae CD Gwasanaeth Diolchgarwch ar werth yn yr ysgol am £3.

Ymweliad gan Gwenda o’r Amgueddfa

Bu Gwenda sydd yn gweithio yn Amgueddfa Lloyd George Llanystumdwy draw yn ysgol yn dysgu plant blwyddyn Derbyn ac 1 am ddiwrnod golchi ers talwm. Dysgodd y plant enwau yr offer golchi dillad oedd ganddi a bum yn eu defnyddio yn y ty bach twt yn ystod y thema ‘diwrnod golchi’. Cliciwch yma i weld y lluniau.

Castell Cricieth

Bu disgyblion blwyddyn 2 a 3 yng Nhastell Cricieth ar gychwyn y tymor gan eu bod yn dilyn thema ‘Llywelyn Ein Llyw Olaf’. Bu’r plant yn cerdded i fyny’r llwybrau troellog serth ac yn dysgu am 4 ac 8 pwynt y cwmpawd gan fwynhau yr olygfa oedd i’r Gogledd, De, Gorllewin a’r Dwyrain. Cliciwch yma i weld y lluniau.

Y Clwb Coginio

Bu Mr Ali o Polash Pwllheli yn y clwb coginio yn creu bwydydd indiaidd gyda’r plant. Dysgodd pawb am ei grefydd gan mai mwslim yw Mr Ali a nid cristion. Bum yn cymharu y ddwy grefydd cyn mynd ati i greu samosas llysiau iachus. Cliciwch yma i weld y lluniau!

Cyngor Ysgol newydd

Llongyfarchiadau i bump cynghorydd newydd Ysgol morfa Nefyn. Etholwyd y pump ohonynt Ddydd Gwener yn dilyn perfformiad yn rhannu syniadau a’i gweledigaeth o wella yr Ysgol gyda’r holl ddisgyblion. Mae ganddom gadeiryddes, trysorydd ac ysgrifenyddes. Maent wedi cychwyn ar eu gwaith yn barod trwy wahodd Carys Ofalus i’r ysgol i drafod diogelwch y ffyrdd ar gyfer eu prosiect cyntaf o annog y plant i gerdded i’r ysgol. Cliciwch yma i weld lluniau o’r etholiad.

Ymweliad Carys Ofalus

Bu Carys Ofalus yn yr ysgol yr wythnos hon yn llongyfarch y plant am eu hymdrech i gerdded i’r ysgol yn ystod tymor yr Haf, yn ogystal ag atgoffa y disgyblion am ddiogelwch y ffordd. Roedd y sesiwn yn ddiddorol iawn! Cliciwch yma i weld mwy o luniau o’r ymweliad.

Gweithgareddau’r Haf yng Nghanolfan Hamdden Dwyfor

Cliciwch yma i weld amrywiaeth o weithgareddau sydd ar gael yn y Ganolfan Hamdden ym Mhwllheli yn ystod gwyliau’r Haf, gan gynnwys sesiynau nofio am ddim.

Presenoldeb 2014-15

Llongyfarchiadau i'r disgyblion hyn a lwyddodd i fynychu yr ysgol BOB dydd yn ystod y flwyddyn a chael presenoldeb o 100%. Arbennig! Dyma lun ohonynt gyda’i gwobr. Cliciwch yma i weld lluniau o’r disgyblion a lwyddodd i gael presenoldeb mwy na 95% a phresenoldeb mwy na 97%.

Sialens ddarllen yr Haf!

Bu cynrychiolydd o’r llyfrgell draw yn yr ysgol yn cyflwyno sialens ddarllen yr haf i’r disgyblion.

Dathlu 10 mlynedd o’r ‘Clwb Dal i Fynd’
Roedd Clwb Dal i fynd yn dathlu ei benblwydd yn 10 oed ar y 3ydd o Orffennaf. Fel ysgol iach sydd yn cefnogi’r cynllun drwy redeg milltir yn wythnosol i gadw’n iach ac yn ffit, roeddem yn awyddus i ddathlu! Penderfynodd y Cyngor Ysgol y byddai bob disgybl yn talu £1 ac yn gwisgo gwisg ffansi i redeg millltir yn ystod y diwrnod er mwyn casglu arian tuag at elusen ‘Ambiwlans Awyr’. Bu i bawb redeg milltir o amgylch lôn gefn Morfa Nefyn yn eu gwisgoedd amrywiol.

Gwyl ‘Blas y môr’ ym Mhorthdinllaen
Cafodd disgyblion yr Ysgol eu gwahodd i ddiwrnod ‘Blas y môr’ ym Mhorthdinllaen ar Ddydd Sadwrn, 27 o Fehefin i berfformio caneuon Fflat Huw Puw. Roedd y traeth yn llawn o bobl lleol ac ymwelwyr a daeth pawb i wrando arnynt yn canu. Gwisgodd y plant hetiau a dillad glas a gwyn fel morwyr. Roedd llawer o weithgareddau difyr yn ystod y dydd ac roedd Cymdeithas Rieni yr Ysgol yn gwerthu cacennau. Diolch i rieni’r ysgol am goginio cacennau blasus a helpu’r gymdeithas rieni i wneud elw o £310!

Trip i Fferm y Foel a Pili Palas
Cafwyd diwrnod addysgiadol a llawn hwyl ar ein trip eleni. Yn dilyn dysgu am drychfilod yn y gwersi Gwyddoniaeth aeth Blwyddyn 2 a 3 i Pili Palas yn Ynys Mon . Gwelodd y plant amrywiaeth o drychfilod a chael cyfle i fynychu awyrgylch drofannol o blanhigion lliwgar a rhaeadrau ble roedd gloynnod byw annhygoel yn hedfan o'u hamgylch. Cliciwch yma i weld lluniau Blwyddyn 2 a 3.
Fel rhan o thema ‘Y Tri mochyn bach’ aeth Blwyddyn Derbyn ac 1 i Fferm y Foel yn Ynys Mon. Dysgodd y plant am fywyd y fferm a sut i ofalu am yr anifeiliaid o ddydd i ddydd. Bu iddynt gael eistedd ar gefn y trelar i fynd i fwydo’r ceffylau yn nghanol y cae yn ogystal a rhoi potel i’r wyn bach. Cliciwch yma i weld lluniau Blwyddyn Derbyn ac 1.

Gwersi Beicio Blwyddyn 3
Daeth Cheryl, Swyddog Diogelwch y ffyrdd draw i'r ysgol i roi gwersi beicio i flwyddyn 3. Dysgodd y plant sgiliau newydd a sut i fod yn saff wrth feicio i'r ysgol. Rydym yn annog disgyblion i gerdded neu feicio i'r ysgol gyda'i rhieni yn ystod y tymor hwn er mwyn datblygu ein ffitrwydd a lleihau llygredd. Byddwn yn gwobrwyo y rhai sydd yn gwneud yn dda gyda chrys T Carys Ofalus ar ddiwedd y tymor. Cliciwch yma i weld lluniau o bawb yn mwynhau.

Sul y Tadau
Dyma ddau berfformiad i holl Dadau disgyblion ysgol Morfa. Mae Blwyddyn 2 a 3 wedi bod wrthi'n brysur yn rapio cerdd am Dad a Blwyddyn Derbyn ac 1 wedi creu cerdd i'w llefaru. Sul y Tadau Hapus! Mwynhewch eich diwrnod.
Cliciwch yma i wylio'r fidio.

Glynllifon
Bu'r plant yn dysgu enwau blodau gwyllt, enwau coed amrywiol a thrychfilod yn y pwll gyda Swyn Spencer Swyddog Cyfoeth naturiol yng Nglynllifon. Buont yn pysgota am drychfilod y pwll a'u rhoi mewn potiau dwr gan ymchwilio i'w henwau. Aethpwyd ati i chwilio am amrywiaeth o flodau gwyllt hardd. Dysgwyn enwau rhai newydd i'r plant sef Rhyddlwyn y coed, Eidral, Glesyn y coed a melyn Mair. Sgwn i fedrwch chi adnabod y blodau yma yn y lluniau? Cliciwch yma.

Blasu selsig Oinc Oink
Bu Ela o gwmni Oinc Oink draw yn yr Ysgol yn dysgu'r plant am sut mae selsig yn cael eu gwneud. Cafodd y plant flasu selsig o wahanol flas a roedd bob blas yn flasus iawn! Dangosodd Ela luniau i'r plant o'r moch sydd ganddi, a thrafod sut i ofalu amdanynt ermwyn cael selsig llwyddiannus. Mae Cwmni Oinc Oink bellach yn gwerthu y selsig yn siop a garej Morfa Nefyn. Maent werth eu cael! Cliciwch yma i weld lluniau o'r plant yn mwynhau'r selsig.

Patagonia 150
Mae 150 o flynyddoedd bellach ers i’r Cymry fudo i Batagonia yn 1865. Bydd dathliad yn ysgol Pentreuchaf ar Ddydd Sadwrn y 6ed o Fehefin a bydd disgyblion blwyddyn 2 a 3 yn canu cân am Batagonia ar y diwrnod. Bum yn stiwdio Pant yr Hwch yn recordio’r gân ac mi fydd copiau o’r cryno ddisg ar werth ar y diwrnod am £5 yr un. Cliciwch yma i weld lluniau o’r plant yn mwynhau wrth recordio, yn ogystal â fidio ohonynt yn canu.

Bu i lawer o'r plant wneud ymdrech i gerdded i'r ysgol yn ystod yr wythnos, hyd yn oed yng nghanol y glaw trwm fore Llun! Dyma lun o'r holl ddisgyblion a lwyddodd i gerdded i'r ysgol bob bore. Llongyfarchiadau iddynt a diolch i'r rhieni am gefnogi! Mae’r Cyngor Ysgol wedi penderfyny parhau i wobrwyo plant sydd yn cerdded mwy na 3 gwaith yr wythnos yn ystod yr hanner tymor nesaf er mwyn annog pawb i gadw’n iach, i ofalu am yr amgylchedd ac i leihau traffig ar lôn yr ysgol am 3yp.

Taith i weld y moch ym Mryn Bach
Bu Blwyddyn Meithrin, Derbyn ac 1 am dro i Bryn Bach yn Morfa Nefyn i weld y moch. Thema y dosbarth y tymor hwn yw stori’r ‘Tri Mochyn Bach’ ac fel rhan o’r thema byddwn yn dysgu mwy am foch. Hoffai’r plant ddiolch i Anti Victoria Priestley am rannu gwybodaeth difyr am yr anifail gyda hwy gan gynnwys sut i ofalu amdanynt o ddydd i ddydd. Cliciwch yma i weld lluniau o’r ymweliad.

Gweithgareddau’r Ganolfan Hamdden
Yn ystod y tymor hwn, mae plant Blwyddyn 2 a 3 yn cymeryd rhan mewn amrywiaeth o weithgareddau yn y Ganolfan Hamdden. Erbyn diwedd y tymor bydd bob un ohonynt wedi cael sesiynau Caiacio yn y pwll, beicio yn yr unfan a dringo ar y wal ddringo yn y neuadd. Mae’r disgyblion wrth eu boddau ac yn gweithio’n galed iawn yn ystod y bore. Cliciwch yma i weld lluniau ohonynt yn mwynhau.

Clwb Garddio

Cliciwch yma i weld ein lluniau yn garddio

Presenoldeb llawn
Llongyfarchiadau i'r disgyblion hyn a lwyddodd i fynychu yr ysgol BOB dydd yn ystod tymor y Pasg. Gwych!

Anos Affrica
Bu Joy Brown a Dixon sef athro Celf o Affrica a gafodd ei fagu yn y slyms yn yr ysgol. Penderfynodd Dixon i greu bywyd da iddo ei hun drwy ddysgu sgiliau y celfyddydau. Bu'r plant yn ymwneud a gwaith Celf dan arweiniad Dixon yn yr Ysgol. Roedd hyn yn rhan o gefnogi elusen Anos Affrica. Daeth cwmni 'Heno' S4C a Elin Fflur y gantores a'r cyflwynydd draw i'r ysgol i ffilmio'r plant yn siarad am y profiad. Cliciwch yma i weld lluniau o'r diwrnod difyr!

Dydd Gwyl Dewi
Daeth y plant i’r Ysgol mewn dillad Cymreig traddodiadol neu ddillad coch i ddathlu dydd Gwyl Dewi. Bum yn dysgu am hanes Dewi Sant ac yn gwneud amrywiaeth o weithgareddau yn y dosbarth i gofio amdano. Bu’r disgyblion yn brysur yn helpu i goginio cacenni cri. Yn y prynhawn, cafwyd cyngerdd Gwyl Dewi yn y Ganolfan a roedd paned a chacen gri ar gael i bawb a fynychodd. Gwerthwyd pacedi o gacennau cri ar stondin gan Flwyddyn 3 ar ddiwedd y cyngerdd. Roedd bob ceiniog a gasglwyd yn y cyngerdd ac wrth werthu’r cacennau cri yn mynd tuag at BOBATH. Casglwyd £150. Diolch i bawb am eu cyfraniad.

Diwrnod y llyfr
Ar ddiwrnod y llyfr, daeth y disgyblion i’r ysgol wedi gwisgo fel cymeriadau o lyfrau traddodiadol a ‘straeon amser gwely’ e.e. y tri mochyn bach, Hugan fach goch, Eira Wen a.y.y.b. Cafodd pawb gyfle i gyflwyno eu cymeriad i weddill yr ysgol a dweud y stori yn fanwl. Bum yn ysgrifennu disgrifiad am ein cymeriadau yn y dosbarth a chreu nod tudalen ar gyfer eu llyfrau darllen. Roedd gwisg pawb yn edrych yn wych a diolch i’r rhieni am eu hymdrech!

Elusen CHD

Llwyddodd disgyblion yr ysgol i gasglu £73.67 tuag at elusen ‘CHD’ (Coronary Heart Disease). Aethant ati i wisgo dillad coch i ddod i’r ysgol a chreu calonnau yn yr ardal Gelf a Chrefft i godi eu hymwybyddiaeth o’r elusen. Diolch i’r rhieni a’r staff am gyfrannu.

Cliciwch yma i weld lluniau o’i gweithgareddau.

Siarter iaith - Comic Relief

Bydd plant Bl 2 a 3 yn ymddangos ar ‘Live Stream’ Comic Relief ar y 27ain o Chwefror. Bydd y rhaglen yn cychwyn am 9yh hyd at 12yh nos Sadwrn y 28ain o Chwefror! 27 awr i gyd! Ewch ar wefan Comic Relief i weld y recordiad yn fyw: comicrelief.com

Bydd y plant yn dysgu brawddegau yn y Gymraeg i ddyn o’r enw Connor!

Gwobr arian Siarter iaith
Derbyniodd y Cyngor Ysgol wobr arian 'Siarter iaith' am eu gwaith caled i hybu'r iaith Gymraeg yn yr Ysgol. Llongyfarchiadau!

Trip Nadolig
Bu'r plant yn gwylio panto o'r enw 'Patagonia' yng Nhricieth. Yna, cafwyd ginio yn y caffi yn Nhyddyn Sachau cyn ymweld a Sion Corn yn ei groto i'w atgoffa o'n rhestrau Nadolig. Cafwyd ddiwrnod i'r brenin! Cliciwch yma i weld y lluniau.

Cystadleuaeth gerddi bwyd ysgolion
Llongyfarchiadau i’r plant! Bu’r ysgol yn llwyddiannus yng Nghystadleuaeth Gerddi Bwyd Gwynedd eleni. Cafodd y gystadleuaeth ei lawnsio gan Bartneriaeth Amgylcheddol Gwynedd er mwyn annog pobl a phlant i dyfu bwyd eu hunain gan gynnwys ffrwythau, llysiau neu berlysiau. Hoffai’r ysgol ddiolch i’r holl disgyblion a fu’n mynychu y clwb garddio i helpu i wneud ein gardd mor llwyddiannus. Y gwobr oedd tocynnau i’w gwario mewn ganolfan arddio. Mi fydd y wobr hon yn ddefnyddiol iawn yn ein clwb garddio nesaf yn nhymor y Gwanwyn.

Ymweliad i Tesco Porthmadog
Yn ystod y tymor hwn, cafodd Blwyddyn 2 a 3 a dosbarth Blwyddyn Derbyn ac 1 gyfle i ymweld a’r archfarchnad TESCO ym Mhorthmadog fel rhan o’r cynllun ‘O’r fferm i’r fforc’. Yno, cafodd y plant weld y siop enfawr, gan gynnwys y storfa fwyd, yr oergell a’r rhewgell! Yn dilyn dysgu sut yr oedd y bara yn cael ei bobi a’i dorri, bu iddynt flasu’r bara yn ogystal a chaws amrywiol a ffrwythau. Cliciwch yma am fwy o luniau.

Castell Caernarfon
Bu Blwyddyn 2 a 3 yn ymweld a chastell Caernarfon i atgyfnerthu eu thema dosbarth ‘Y Rhyfel Byd 1af’. Cafodd y plant gyfle i wisgo a martsio fel milwyr yn ystod y Rhyfel Byd, a gweld amrywiaeth o arteffactau. Cliciwch yma am fwy o luniau.

Ymweliad gan Steve Jones
Bu tad Cadi Elen o Flwyddyn 2 yn yr ysgol yn dysgu mwy o wybodaeth i’r disgyblion am y Rhyfel Byd Cyntaf. Daeth a llawer o wrthrychau’r rhyfel gydag ef iddynt gael eu gweld. Gwisgodd llawer o’r plant helmed ddur a dangosodd rhai o’r bwledi. Cafwyd straeon diddorol dros ben am y rhyfel. Diolch iddo am yr ymweliad difyr!

Amgueddfa Lloyd George
Bu disgyblion Blwyddyn Derbyn ac 1 yn Amgueddfa Lloyd George yn Llanystumdwy fel rhan o’i thema yn dysgu am Nadolig yn ystod Oes Fictoria. Cafwyd bore arbennig yn gwisgo fel plant Oes Fictoria, creu addurniadau Nadolig yn yr hen ysgol a gwneud pwdin Nadolig yn y bwthyn lle roedd Lloyd George yn byw yn fachgen ifanc. Roedd yn agored llygaid i’r plant a dysgwyd llawer o wybodaeth newydd. Cliciwch yma am fwy o luniau.

Plant mewn angen

Diolch i bawb a gyfrannodd tuag at gronfa Plant mewn angen. Llwyddodd y Cyngor Ysgol i gasglu £126.31 gyda chymorth yr holl ddisgyblion eraill a’r rhieni hael. Bu Blwyddyn 2 a 3 yn brysur iawn yn coginio cacennau blasus adref i’w gwerthu yn yr ysgol ac ymdrechodd pawb i wisgo gwisg melyn neu smotiog. Cafwyd gystadleuaeth creu mwgwd newydd i Pudsey a’r ennillwyr oedd Dylan Binch a Nanw Jones o flwyddyn 2 a 3 ac Ifan John ac Enfys Griffiths o flwyddyn Derbyn ac 1. Cliciwch yma i weld mwy o luniau.

Gwasanaeth Diolchgarwch

Casglwyd swm o £261.13 yn y gwasaneth Diolchgarwch eleni tuag at ymchwil Cancr y Fron. Diolch i bawb am ymdrechu drwy wisgo pinc yn ystod y gwasanaeth a diolch am roi mor hael. Bydd yr arian yn helpu tuag at brynu peiriant Biopsy newydd yn ysbyty Llandudno.

Diwrnod i’r gwenyn

Ar yr 17eg o Hydref, bu holl ddisgyblion yr ysgol yn brysur yn plannu bwlbiau ‘Clychau’r Gog’ ar dir yr Ysgol i gefnogi ‘diwrnod i’r gwenyn’. Derbynwyd dystysgrif gan y naturiaethwr Iolo Williams am helpu i wneud ein amgylchedd yn hardd. Rydym yn edrych ymlaen i weld y planhigion ‘Clychau’r Gog’ yn blodeuo yn nhymor y Gwanwyn.

Glynllifon

Bu dosbarth Blwyddyn Derbyn ac 1 yn y goedwig yn Glynllifon yn gwneud llawer o weithgareddau i ddysgu am dymor yr Hydref. Roedd y diwrnod yng nghwmni Swyn Spencer o’r ymddiriedolaeth yn llawn gweithgareddau ymarferol difyr i atgyfnerthu thema’r dosbarth. Bu’r plant yn creu coron yr Hydref gan ludo amrywiaeth o hadau, dail a brigau ar y goron a chael ei gwisgo wrth gedded am dro drwy’r goedwig lliwgar. Aethant ati i chwilio am anifieliaid oedd yn cuddio yn y coed ac yna adeiladodd pob un ohynynt gartref addas i’r anifeiliaid i’w cadw’n gynnes a chlyd. Cliciwch yma am fwy o luniau.

Y Clwb Coginio

Roedd y clwb coginio yn llwyddiannus iawn a diolch i bawb a fynychodd. Cafodd y plant amrywiaeth o brofiadau newydd a cyfleoedd i ddysgu llawer o sgiliau coginio sylfaenol. Aethant ati i goginio amrywiaeth o fwydydd gan gynnwys ‘salad cwscws gyda llysiau wedi eu rhostio a chaws ffeta’ a ‘pizza o wynebau doniol’. Cliciwch yma i weld lluniau o’r hwyl.

Ymweliad gan Ken Fitzpatrick

Daeth Ken Fitzpatrick, rheolwr Bad Achub Porthdinllaen i’r ysgol i wobrwyo’r disgyblion am ganu yn seremoni enwi’r Bad Achub newydd ym Mhorthdinllaen. Derbyniodd y plant grys T newydd a chylchgrawn ‘Pawb ar y Bwrdd’ i ddysgu’r plant am ddiogelwch y môr a gwaith y Bad Achub.

Bad Achub Porthdinllaen

Ar ddydd Sul, 28ain o Fedi 2014, ymunodd plant Ysgol Morfa Nefyn yn y diwrnod hanesyddol arbennig ym Mhorthdinllaen. Roedd y diwrnod bythgofiadwy yn ddathliad fod y Bad Achub ym Mhorthdinllaen yn achub bywydau ers 150 o flynyddoedd. Yn ogystal, roedd y seremoni yn un i enwi'r Bad Achub newydd sef y 'John D Spicer' ac i gyflwyno y cwt newydd a adeiladwyd yn ddiweddar. Bu blynyddoedd 1, 2 a 3 yn canu caneuon J Glyn Davies gan gynnwys 'Fflat Huw Puw' i'r gwesteion pwysig. Roedd y plant yn lwcus iawn o gael bod yn rhan o'r seremoni hwn ac wedi mwynhau eu hunain yn arw! Cliciwch yma i weld lluniau o’r diwrnod difyr.

Sialens darllen yr Haf

Llongyfarchiadau i'r plant sydd wedi llwyddo i gwblhau sialens Darllen yr Haf, 'Chwilfa Chwedlau' yn y llyfrgell leol dros yr haf. Dyma lun ohonynt gyda'r tystysgrifau a'r medalau. Gwych!!

Creu dresel Gymreig gyda Luned Parri

Fel rhan o weithgareddau’r Siarter iaith Gymraeg bu holl ddisgyblion yr ysgol yn brysur yn cyd-weithio gyda’r arlunydd Luned Parri i greu dresel Gymreig 3D ar gyfer Caban yr ysgol. Defnyddiwyd papur a chardfwrdd yn unig i greu y ddresel. Yna cafwyd gyfle i efelechu patrwm helyg oddi ar lestri mewn glas a gwyn a’u gludo ar blatiau a chwpannau’r ddresel.

Cliciwch yma i weld lluniau o’r broses brysur!